Aizaia 4
4
1Dindali maa, paɣiba ayopɔin ni ti gbaai do’ yino n-yɛl’ o,
“Saɣimi ni ti yidana n-nyɛ a,
ka ti yi vi ni;
amaa ti ni dihiri timaŋa, ka sooni timaŋa.”
Jɛrusalɛm ni lan lab’ di biɛhigu ni yaha
2Dahin shɛli kanna, ka Yawɛ ni ti chɛ ka tiŋgbɔŋ ŋɔ ni tia kam wulli zooi ka viɛla. Izraɛlnim’ bɛn zaa tiligi ni ti nya ka tiŋgbɔŋ maa tiwala viɛla, ka nyu bara di zuɣu. 3Naawuni ni tiligi ninvuɣ’ shɛb’ zaa Ziɔn ka bɛ sabi bɛ yuya sɔŋ la, yɛlimaŋli, bɛn nyɛ bɛn kpalim be Jɛrusalɛm la, bɛ ni boli ba bɛn be kasi. 4Ti Duuma ni yihi Ziɔn paɣiba daɣiri ni, ka zaŋ saria karibu mini buɣim paɣi ʒim din yi n-do Jɛrusalɛm puuni la ka di yi. 5#Yibu 13.21; 24.16 Di saha Yawɛ ni ti chɛ ka sagbani sirigina wuntaŋ’ ni ti lim Ziɔn Zoli mini bɛnkam zaa laɣim nimaani, ka nyɛ nyɔhi ni buɣim niɛm din diri ne yuŋ. Yɛlimaŋli, Naawuni jilima din be nimaani ni ti nyɛla leeŋa. 6Di ni ti nyɛla leeŋa, ka nyɛ mahim din taɣiri ba tulim wuntaŋ’ ni ni sɔɣibu shee ni leeŋa din taɣiri ba pɔhim mini saa.
Currently Selected:
Aizaia 4: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
