Aizaia 27
27
1 #
Ayu 41.1; Yila 74.14; 104.26 Dindali maa Yawɛ ni ti zaŋ o ninkuunsi takɔb’ titali din mali kpiɔŋ la n-darigi Lɛviatan#27.1 LƐVIATAN: Kurimbuni ha bɛ daa yɛliya ni Lɛviatan nyɛla nyɛbiga bee kom ni biŋkɔb’ titali. Kpe ŋɔ, Lɛviatan mini teeku ni biŋkɔb’ biɛɣu la nyɛla zuliya shɛb’ bɛn nahindi Izraɛlnim’ la ŋmahinli. ŋun nyɛ waɣ’ so ŋun pɔripɔri ka yiɣiri la tibili; ka ku teeku ni biŋkɔb’ biɛɣu la.
2Dindali maa Yawɛ ni ti yili yila yɛl’ o ni yur’ o wain tihi pu’ shɛl’ la yɛla.
3“Man’ Yawɛ n-nyɛ di gula, ka yɔɣiri li kom sahakam. N kul gul’ li mi yuŋ ni wuntaŋ’ ni, ka so ku tooi niŋ li shɛli.
4M bi lan je suli niŋ wain tihi puu maa. Di yi mali gɔhi mini suligunyinyari, dindina n ni mali shili lu di zuɣu, ka nyo li buɣim.
5Amaa n niriba dimnim’ yi bɔri ni n tiligi ba, dindina bɛn’ niŋmi sandaani niŋ ma, Iin, bɛn’ niŋmi sandaani niŋ ma.”
6Saha shɛli kanna, ka Izraɛlnim’ bɛn nyɛ Yaakubu zuliya ŋɔ ni ti ba nyaɣa kaman tia la. Bɛ ni ti pum puma, ka wali wala. Ka bɛ zuliya ti be dunia ŋɔ luɣ’ shɛlikam.
7O bi ŋme ba luhi kaman o ni daa ŋme bɛn ŋme ba luhi la shɛm la. O mi bi ku ba kaman o ni daa ku ninvuɣ’ shɛb’ bɛn ku ba la shɛm la.
8O daa darig’ o niriba maa tibili n-chɛ ka bɛ gbahi ba kuli tinduya ni. O suhuyiɣisili puuni, o daa chɛ ka wulimpuhili polo pɔhim kana ti ʒe ba chaŋ.
9Dinzuɣu Izraɛlnim’ ni yɛn niŋ shɛm nya bɛ daalahichi chɛ m-paŋ nyɛla, faashee ka bɛ ŋme n-wurisi chɛfirinim’ maligu malibu bimbina la buɣibuɣi kaman zim la; ka saɣim Ashɛra ŋmahinli binyara mini di tulaale tuɣilibu bimbina la zaa.
10Bɛ ni me birini gili tin’ shɛl’ la lumi dahim zaa, ka bɛ chɛ li bahi kaman tiŋgban’ nɛl’ la. Di leela biŋkɔbiri mɔri ŋubbu shee ni bɛ ni dooni luɣ’ shɛli vuhira.
11Di tiwul’ kpana kuumi kab’ lu, ka paɣiba va li ti mali buɣim. Dama niriba maa nyɛla bɛn bi baŋdi shɛli, dinzuɣu ŋun nam ba maa ku zo ba nambɔɣu bee n-niŋ ba nirilim.
12Izraɛlnima, dindali maa, Yawɛ ni ti doli Yufretiiz Mɔɣili zaŋ hal ni Ijipti tintariga n-laɣim ya yinoyino kaman bɛ ni yihiri chi ka chɛri wurigu shɛm la. 13Dindali maa bɛ ni ti piɛbi kika’ titali, ka ninvuɣ’ shɛb’ bɛn daa yirigi be Asiria tiŋgbɔŋ ni mini bɛ ni daa kari shɛb’ kulisi Ijipti tiŋgbɔŋ ni la kana ti jɛm Yawɛ Jɛrusalɛm zoli din be kasi la zuɣu.
Currently Selected:
Aizaia 27: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
