Aizaia 2
2
Suhudoo din ka tariga
(Maika 4.1-3)
1Amɔz bia Aizaia ni daa nya ʒii shɛli zaŋ chaŋ Judanim’ mini Jɛrusalɛm polo m-bɔŋɔ:
2Dahin shɛli kanna,
ka Yawɛ jɛmbu duu zoli la
ni ti mali jilima n-gari zoya zaa,
ka du n-gari daboli kam.
Zuliya kam ni ti zo n-ka di gbinna.
3Niriba pam ni ti kana ti yɛli,
“Chɛliya ka ti du Yawɛ ŋun nyɛ
Yaakubu Naawuni ŋɔ zoli ŋɔ
zuɣu n ti kpe o jɛmbu duu
ka o ti wuhi ti o soya,
ka ti dol’ o soya maa.”
Dama Yawɛ wuhibu ni ti
yila Ziɔn na,
ka o yɛligu yi Jɛrusalɛm na.
4 #
Joɛl 3.10; Mai 4.3 O ni ti kari zuliya ni
zuliya yɛla saria
ka mali niriba pam yɛla ti ba.
Bɛ ni ti zaŋ bɛ takɔbiri
kuri naɣikɔra kubiɛlima,
ka zaŋ bɛ kpana kuri gɔriti.
Ka zuliya ni zuliya ti
ku lan zaŋ takɔbiri tuhi taba
bee m-bɔhim tɔb’ tuhibu yaha.
5Yaakubu zuliya,
chɛliya ka ti be Yawɛ neesim ni chana.
O ni kpihim karimbaani
6A daa zaɣisi a niriba
bɛn nyɛ Yaakubu zuliya la!
Yɛlimaŋli, bɛ malila laasabuniŋdiba bɛn yi wulimpuhili polo na,
ka mali baɣisi kaman Filisitianim’ la,
ka zaŋ bɛ noli ti naai tinzunnima.
7Anzinfa mini salima palila bɛ tiŋgbɔŋ ni,
ka bɛ daazichi ka tariga.
Yuri palila bɛ tiŋgbɔŋ ni,
ka bɛ chɛchɛbunsi ka tariga.
8Buɣa palila bɛ tiŋgbɔŋ ni,
ka bɛ jɛmdi bɛ ni zaŋ bɛ nuhi mali binshɛŋa.
9Dinzuɣu niriba ni nya filiŋ,
ka sokam di vi.
Di chɛ bɛ taali!
10 #
Kah 6.15; 2 Tɛs 1.9 Kpɛmiya kuɣa voya ni
mini tiŋgbani voya ni
n-tiligi Yawɛ dabiɛm zɔbu
min’ o nam dariza ni.
11Karimbaannim’ ni ti nya filiŋ,
ka ninvuɣ’ shɛb’ bɛn duhiri bɛmaŋa, bɛ ni ti siɣisi ba;
ka niriba ti duhila Yawɛ kɔŋko
dindali maa.
12Yawɛ zal’ o ni yɛn siɣisi karimbaannim’ zaa
mini ninʒeensinim’ ni
bɛnkam zaa duhi bɛmaŋa dahin’ shɛli.
13O ni saɣim Lɛbanɔn
sida tiwɔɣila zaa
mini Bashan oki tihi zaa.
14O ni wurim zoya din du pam
mini kunkuna din du pam zaa.
15O ni wurim pihi din du
mini birini goma zaa;
16ka chɛ ka Speen#2.16 SPEEN: Kurimbuni ha bɛ daa booni Speen la Tarishish. ŋariŋ titaŋa zaa
mini ŋariŋ viɛla zaa shim.
17Ninvuɣ’ shɛb’ bɛn nyɛ ninʒeensinima, o ni ti siɣisi ba;
ka ŋunkam mi mali karimbaani ni ti nya filiŋ;
ka niriba ti duhila Yawɛ kɔŋko dindali maa.
18Buɣa ni naai kahikahi.
19Kpɛmiya tampima voya ni
mini tiŋgbani voya ni
n-tiligi Yawɛ dabiɛm zɔbu
min’ o nam dariza ni saha shɛl’ o yi ti kana
ni o ti dam dunia ŋɔ.
20Bɛ ni ti zaŋ bɛ wuna
din nyɛ bɛ ni zaŋ anzinfa
mini salima mali ni bɛ jɛmdi li la
bahi nantarisi mini zɔna dindali maa.
21Yawɛ yi ti yiɣisi ni o dam dunia ŋɔ,
niriba ni ti zo nti kpe tampima lɔna voya ni
mini tiŋgbani vokaba ni
ni bɛ tilig’ o dabiɛm zɔbu ni
min’ o jilima dabiɛm zɔbu ni.
22Di doli daadamnim’
bɛn vuhim kul be bɛ nyɛhi ni kɔŋko la yɛtɔɣa.
Bɛ bukaata nyɛ bɔ?
Currently Selected:
Aizaia 2: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
