Aizaia 15
15
Naawuni ni ku Mɔabnima
1Naawuni ni yɛli Mɔabnim’ yɛtɔɣ’ shɛli m-bɔŋɔ:
Ar zani dabari yuŋ zaɣ’ yini,
ka Mɔabnim’ fo chichi.
Kɛɛr zani dabari yuŋ zaɣ’ yini,
ka Mɔabnim’ fo chichi.
2Dibɔnnim’ chaŋ ti du zoli zuɣu
bɛ buɣa duu nti kumda;
ka Mɔabnim’ kumdi Nɛbo mini Mɛdɛba zuɣu;
ka sokam pini bɛ zuɣuri ni bɛ teensi.
3Ka niriba daa pili buri;
ka shɛb’ du n-tam duri zuɣusaa,
ka shɛb’ mi ʒe tiŋ’ puuni laɣiŋgu shee
kumdi ka fabinda.
4Ka Hɛshibɔnnim’ mini Ɛlialɛnim’ daa kuhi pam,
ka Jahaznim’ wum bɛ kuhigu maa,
hal ka bɛ tɔbbihi ni sɔhira.
5N kumdila Mɔabnim’ zuɣu!
Bɛ zo n-kuli Zɔa mini Ɛgilatishɛlishia.
Dama shɛb’ lu soli kuni Luhit,
ka kumdi chana;
ka shɛb’ mi zo n-kuli Hɔrɔnaim ni suhugarigu pam.
6Nimrim kulibɔŋ nyuuya zaa,
ka di duli mɔri kuui,
ka momahili lan ka nimaani yaha.
7Dinzuɣu bɛ zaŋ bɛ nɛma pam
n-zɔri ni bɛ du kulitihi kulibɔŋ tiligi.
8Ka bɛ daa ŋme kuŋ gili Mɔab tintarisi;
ka fabila yɛtɔɣa daa tin ti to Ɛgilaimnim’ mini Bɛrilimnima.
9Ka Dibɔn Mɔɣili kom daa deei ʒim mɔhi,
amaa di zaa yoli, n ni niŋ Dibɔnnim’ din bie n-gari lala.
Iin, gbuɣinli ni doli Mɔab ninvuɣ’ shɛb’ bɛn kpalim,
ka nyɛ bɛn zɔri ni bɛ tiligi la.
Currently Selected:
Aizaia 15: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
