Aizaia 12
12
Wumpaɣibo yila
1Dahin shɛli kanna,
ka niriba ni ti yɛra,
“Yawɛ, ti paɣir’ a!
A suhu daa yiɣisi bahi ti zuɣu,
amaa pumpɔŋɔ a suhu maaya, ka a lan kpaŋsi ti.
2 #
Yibu 15.2; Yila 118.14 Yɛlimaŋli, Naawuni n-nyɛ n tiligira;
n ni niŋ o naani,
ka ku zo dabiɛm.
Yawɛ ŋun nyɛ Naawuni ŋɔ n-nyɛ
n yiliyiinili mini n kpiɔŋ.
Ŋuna n-nyɛ n tiligira.
3Yi ni ti ŋɔŋ kom tiliginsim
kɔbilisi puuni ni suhupiɛlli.”
4Dahin shɛli kanna,
ka yi ni ti yɛli,
“Paɣimiya Yawɛ!
Kuhimiya bol’ o yuli ka o sɔŋ ya!
Yɛlimiya zuliya kam zaa
o ni tum tuun’ shɛŋa!
Yɛlimiya ba ni o galisiya pam!
5Yilimiya yila paɣi Yawɛ
o ni tum tuun’ kar’ shɛŋa zuɣu.
Chɛliya ka dunia zaa
baŋ di yɛla.
6Chɛliya ka ŋunkam zaa be
Ziɔn duh’ o yee yili
yila ni suhupiɛlli,
dama Izraɛl Naawuni ŋun galisi,
ka be kasi ŋɔ be o niriba sunsuuni.”
Currently Selected:
Aizaia 12: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
