Aizaia 11

Nam din ʒiɛmani mali suhudoo

1 # Kah 5.5; 22.16 Wulipolli ni ti puhi yi Jɛsi gbirili ni na. Wulli ni ti to n-yi o nyaɣa ni na n-wali.

2Yawɛ shia ni ti siɣ’ o zuɣu

na nti ti o yɛm mini baŋsim,

ka ti o yiko mini saɣisigu

ni baŋsim mini Naawuni zɔbo.

3Yawɛ zɔbu nti yɛn nyɛ

o suhu ni yuri shɛli.

O ti ku kari nimmira saria

bee n-kari, “Bɛ yɛliya,” saria.

4 # 2 Tɛs 2.8 Amaa o ni ti dolila wuntia soli

n-kari nandaamba saria;

ka kari saria din tuhi

ti dunia ŋɔ bɛn ka.

O ni ti zaŋ o nol’ ni

yɛligu n-fiɛbi dunianima;

ka lan zaŋ o nol’ ni

yɛligu n-ku ninvuɣ’ biɛri.

5 # Ɛfɛs 6.14 O ni ti zaŋ wuntitali kaman

shɛlɔrigu la n-lo o shee ni;

ka zaŋ ʒiɛyimtali kaman

shɛlɔrigu la n-lo o shee ni pahi.

6Kunduna mini piɛri ni

ti laɣim doya,

ka jɛŋgbina mini bubihi

ti laɣim doya,

ka naɣibihi mini gbuɣimbihi

ni gbuɣim pola

ti laɣim doya,

ka bihi ti vɔri ba chana.

7Niɣi mini bɛ ni booni

biŋkɔb’ so bɛɛr la

ni ti laɣim ŋubiri mɔri,

ka bɛ bihi ti laɣim doya.

Ka gbuɣinli ni ti ŋubiri

mɔri kaman nahu la.

8Bimɔɣiriga ni ti be gariŋga

voli gbini diɛmda,

ka bia ŋun ŋmaai

bihili ni ti zaŋ

o nuu tim bahiga voli ni.

9 # Aiz 65.25; Hab 2.14 Binshɛli ku niŋ ba n

zoli din be kasi la zuɣu.

Dama Yawɛ baŋsim ni ti

pali dunia ŋɔ ni kaman

kom ni pali teeku shɛm la.

Niriba bɛn be tiŋduya ni labbuna

10 # Rom 15.12 Dahin shɛli kanna, ka so ni ti yi Jɛsi zuliya ni na n-lee shihirili zuliya kam sani, ka o biɛhigu shee ni ti viɛla, ka niriba ti bɔhiri bɔr’ o shee.

11Dindali maa ti Duuma ni ti lan zaŋ o niriba bɛn kpalim be tinduya ni la labisi yiŋ’ na yaha. O ni ti yihi ba Asiria mini Ijipti ni Patrɔs ni Itiɔpia#11.11 ITIƆPIA: Kurimbuni ha bɛ daa booni Itiɔpia la Kush. ni Ɛlam ni Babilɔn ni Hamat ni teeku duli tinsi ni teeku noli tinsi ni na. 12O ni ti wuhi zuliya kam shihirili ni o lan laɣindi Izraɛlnim’ mini Judanim’ bɛn daa wurim be dunia ŋɔ yaɣa anahi ŋɔ ni la. 13Ifriim zuliya ni ti chɛ nyuli zabbu, ka Juda zuliya dimdi la ti kpi. Ifriim zuliya ti ku lan zab’ Juda zuliya nyuli; ka Juda zuliya mi ti ku lan nyɛ Ifriim zuliya dimnima. 14Bɛ ni lu Filistianim’ bɛn be wulinluhili polo la zuɣu. Bɛ ni ti laɣim di ninvuɣ’ shɛb’ bɛn be wulimpuhili polo nim’ nɛma. Bɛ ni ti nyaŋ Ɛdomnim’ mini Mɔabnima, ka Ammɔnnim’ ti jɛmdi ba. 15#Kah 16.12 Yawɛ ni chɛ ka Ijipti mɔɣili la kom nyuui, ka chɛ ka pɔhim tulli ʒe na ti kpe Yufretiiz Mɔɣili ni. Ka o ti pirigi li kulibombih’ ayopɔin m-mali soli ti ba ka bɛ chaŋ tiŋ’ du. 16Dinzuɣu bɛ ni ti ŋme solɔɣu yi Asiria na, ka o niriba bɛn kpalim maa dol’ li kaman o ni daa mali soli ti Izraɛlnim’ shɛm saha shɛli bɛ ni daa yi Ijipti na la.

Currently Selected:

Aizaia 11: RLDB

Highlight

Copy