Hozia 9
9
Hozia moli Izraɛlnim’ tibidarigibo yɛla
1Izraɛlnima, di maliya suhupiɛlli.
Miriya ka yi chɛ ka yi suhu paligi kaman zuliya shɛb’ la.
Dama yi zaɣisi yi Naawuni ka tumdila yolimyolim.
Yi yuya ni yi tum yolimyolim maa
ka deei yi sanyoo kabɔɣili kam ni.
2Bɛ kabɔɣa mini bɛ wain tɔɣiri bɔɣa ku dihi ba,
ka bɛ ku nya wain palli.
3Bɛ ku kpalim be Yawɛ tiŋgbani maa ni.
Amaa Ifriimnim’ ni labi Ijipti
nti di bindir’ shɛli din bi be kasi Asiria tiŋgbɔŋ ni.
4Bɛ ti ku lan booi wain mali sara ti Yawɛ,
ka o nini ti ku lan tiɣi bɛ sara maligu.
Bɛ bindirigu ni ti ŋmanila kuyili bindirigu,
ka ŋunkam ti di li ni kpe daɣiri ni.
Dama bɛ bindirigu maa ni ti nyɛla
bɛ ni yɛn diri shɛli bɛ kum zuɣu kɔŋko,
amaa di ku kpe Yawɛ jɛmbu duu puuni.
5Wula ka yi yɛn niŋ bɛ ni zali chu’ shɛŋa la puhibu dali
mini Yawɛ chuɣu puhibu dali?
6Dama nyama, Ijiptinim’ ni ti laɣim ba,
ka Mɛmfisinim’ sɔɣi ba,
ka lan deei bɛ daazinfa neen’ viɛla la,
ka gɔhi bili bɛ yinsi.
7 #
Luk 21.22
Tibidarigibo biɛɣu neeya,
sanyoo biɛɣu neeya.
Izraɛlnim’ ni ti baŋ lala.
Anabi maa nyɛla jɛrigu,
shia ni be ninvuɣ’ so ni maa nyɛla yinyaa,
dama yi tuumbiɛri mini yi jɛlinsi galisiya pam.
8Anabi maa n-nyɛ ŋun guli Ifriimnim’
bɛn nyɛ n Naawuni niriba ŋɔ,
amaa ka bɛ bari noongbahiri zana bɛ soya zuɣu,
ka dimdi be bɛ Naawuni jɛmbu duu puuni.
9 #
Zuɣ 19.1-30
Bɛ tum tuumbiɛri pam
kaman bɛ ni daa be Gibia la.
Naawuni ni ti teei bɛ tuumbiɛri maa yɛla,
ka darigi bɛ tibili bɛ daalahichi maa zuɣu.
Izraɛlnim’ daalahichi mini yɛl’ shɛŋa din doli di nyaaŋa
10 #
Kal 25.1-5
N daa bo n-nya Izraɛlnima
kaman wain tiwala din be mɔɣu ni.
N daa nya yi yaannima
ka bɛ ŋmanila fiig tia ni tuui wali wal’ shɛŋa di walibu saha.
Amaa ka bɛ daa ti paai Pɛɔr Zoli gbini
n-zaŋ bɛmaŋ’ ti buɣili Baal,
ka leei ninvuɣ’ biɛri
kaman bɛ ni yuri binshɛŋa maa ni nyɛ zaɣ’ biɛri shɛm maa.
11Ifriimnim’ jilima ni ti yiɣi bɛ sani chaŋ kaman noombil’ la.
Bɛ ti ku lan dɔɣi bihi,
paɣipuulan’ ti ku lan beni,
bɛ paɣiba ti ku lan zali puhi.
12Hal bɛ yi dɔɣi bihi gba,
n ni ku bɛ zaa.
N yi zo ka chɛ ba,
bɛ ni nya mbusim.
13N nyaya ka Ifriimnim’ bidibisi
simdi ni binyara ŋub’ ba.
Di simdi ni Ifriimnim’
zaŋ bɛ bidibisi chaŋ ka bɛ ti ku ba.
14Yawɛ, wula ka a yɛn niŋ ba?
Chɛ ka bɛ paɣiba zaŋdi bahira,
ka bɛ biha nyuui.
Naawuni kari Izraɛlnim’ saria
15Bɛ tuumbiɛri zaa bela Giligal.
Nimaani ka n nyee daa piligi ba nyɔnibu.
Bɛ tuumbiɛri maa zuɣu
n ni kari ba yihi n yiŋa.
N ku lan yuri ba yaha;
bɛ kpamba zaa nyɛla bɛn zaɣisi ma.
16Bɛ ŋme Ifriimnima,
ka bɛ nyaɣa zaa kuui,
bɛ ku lan dɔɣi bihi.
Hal bɛ yi kul dɔɣi bihi gba,
n ni ku bɛ biyurisi zaa.
Anabi yɛli Izraɛlnim’ yɛla
17N Naawuni ni zaɣisi ba,
bɛ ni bi wum o noli zuɣu.
Bɛ ni ti nyɛla bɛn dari gindi yɔɣu zuliyanim’ sunsuuni.
Currently Selected:
Hozia 9: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
