Hozia 8
8
Naawuni galim Izraɛlnim’ bɛ buɣ’ jɛmbo zuɣu
1Zaŋmi kikaa kpa a noli,
dama juɣu tam Yawɛ jɛmbu duu zuɣu,
bɛ ni saɣim n daalikauli
ka birigi n zaligu la zuɣu.
2Bɛ kuhiri booni ma,
“Ti Naawuni, tinim’ Izraɛlnim’ mi a.”
3Izraɛlnim’ zaɣisi din viɛla,
bɛ dimnim’ ni ti kari doli ba.
4Bɛ leeri nanima,
ka bi niŋdi ma saawara.
Bɛ piiri kpamba,
amaa ka m bi mi di yɛla.
Bɛ zaŋdi bɛ salima mini bɛ daanzinfa maani binnana
din yɛn bahi bɛn’ maŋmaŋ’ yoli.
5Yinim’ Samarianima,
n zaɣisi yi naɣibil’ maa.
N suhu yiɣisiya pam bahi yi zuɣu.
Bɔ saha ka yi lee yɛn tooi yi taali ni?
6Dama Izraɛl tiŋgbɔŋ ni ka nuhi tuumbaŋda daa mal’ li.
Di pala Naawuni.
Bɛ ni ti wurim Samaria naɣibil’ maa.
7Dama bɛ birila pɔhim,
bɛ ni chɛla pɔhimʒiɛpiliŋga.
Bɛ chi ni saai ʒiɛya ka ku niŋ bindirigu.
Ka di yi niŋ bindirigu,
tinzunnima n-ni di li.
8Bɛ nyaŋ Izraɛlnima,
bɛ kpalim bela zuliyanim’ maa sani
kaman duɣu kpiŋ din lan ka buchi la.
9Dama bɛ chaŋ Asiria
kaman yɔɣuni buntaaŋa ŋun gɔr’ o ko la. I
friimnim’ darila niriba ni bɛ sɔŋdi ba.
10Hal bɛ ni kul laɣi zuliya shɛba zɔri maa zaa yoli,
n ni laɣim bɛ zaa luɣ’ yini,
ka di ku yuui ka bɛ piligi diri wahala
bɛ nanim’ mini bɛ kpambaliba nuu ni.
11Dama Ifriimnim’ mali maligu bimbina pam pahi
ni bɛ tumdi alahichi.
Ka di leei alahichi tumbu maligu bimbina bɛ sani.
12N sabi n zaligunim’ paai ʒiibutuhili ti ba,
amaa ka bɛ zaɣisi li,
ka tɛhi ni di nyɛla zaɣ’ pala.
13Bɛ yuri sara maligu pam.
Bɛ zaŋdi nimdi maani sara ka ŋubiri li.
Amaa Yawɛ ŋun’ baɣa ka di ni.
Pumpɔŋɔ o ni teei bɛ tuumbiɛri yɛla,
ka darigi bɛ tibili bɛ daalahichi zuɣu.
Bɛ ni labi Ijipti.
14Dama Izraɛlnim’ tam ŋun nam ba yɛla,
ka mɛla nanim’ yiya.
Ka Judanim’ me fɔntinsi pam,
ka me goondahi gil’ li.
Amaa n ni chɛ ka buɣim lu bɛ fɔntinsi maa zuɣu
n-di bɛ sɔɣisili shɛhi zaa.
Currently Selected:
Hozia 8: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
