TITO 3
3
Creejkuna imaynatachus kausanankumanta
1Hermanosta yuyarichiy, kasunankupaj kamachejkunata atiyniyojkunatawan. Wakichisqastaj kachunku tukuy imata allinta ruwanankupaj. 2Amataj pipajpis sajrata rimachunkuchu, nitaj phiñanakusta mask'achunkuchu; astawanqa llamp'u sonqos, munakuyniyoj kasqankuta rikuchichunku tukuy runasman.
3Noqanchejpis ñaupajtaqa mana yuyayniyoj karqanchej, Diosta mana kasuspa, chinkasqas aychaj munaynimpi, imaymana sajra munaykunaman qokuspa, mana allin yuyaypi, qhawanakuspa, chejnisiris, chejninakuspataj ujkuna ujkunawan. 4-5Maypachachus Dios Salvadorninchej rikucherqa khuyakuyninta munakuynintawan runakunaman, chaypacha salvawarqanchej. Mana noqanchej ima allinta ruwasqanchejraykuchu, astawanqa khuyakuyninrayku. Mayllawarqanchejtaj mosoj kausaypaj; Santo Espiritunejta mosojyachisqas kananchejpaj. 6Chay mayllakunanchejtaqa pay apachimuwarqanchej ashkhamanta, Jesucristo Salvadorninchejnejta. 7Diospa khuyakuyninrayku cheqan runas kanchej, chayaqeta jap'inanchejpaj wiñay kausayta suyasqanchejman jina.
8Palabraqa cheqamin. Munanitaj ashkha kutita willanaykita Diospi creejkunaqa allin kajta ruwanankuta. Kay imasqa sumaj, allinmin ruwanankupaj. 9Ama munaychu churanakuyta wampu parlaykunamanta, ñaupa runaspa mirayninkumanta, nitaj churanakuspa Moisespa leyninmanta. Chaykunaqa qhasi mana kaj, ni imata orqhonayoj kanku.
10Sichus mayqempis iglesiata t'aqashanman chayqa, ujta chayrí, iskay kutikama k'amiy. Mana kasukojtintaj qharqopuy. 11Yachanki jina, chay runaqa urmasqa kaspa juchallikun, kikin juchallantaj tanqaykun juchachasqa kanampaj.
Sapa ujpaj kamachiykuna
12Artemasta, chayri Tiquicota kachamusojtiy, jamuypacha Nicopolisman watunawaykipaj, imaraykuchus chaypi chiri tiempopi qhepakusaj. 13Leyesta sut'inchaj Zenasta, Apolostawan kachamuy, yanapaytaj atisqaykita, ama paykunaman ni ima pisinampaj jina. 14Noqanchejmanta kajkunataj yachakuchunku allinkunata ruwayta, ama ima pisinampaj; ajinapi tukuy ruwasqanku poqoyniyoj jina kanampaj.
Napaykunas
15Tukuy noqawan kajkuna napaykamusunku, napaykuytaj fepi kausaqesninchejta. Diospa khuyakuynin tukuy qankunawan kachun.
Currently Selected:
TITO 3: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
