ECLESIÁSTICO 20
20
Imaynamanta yachakun pichus yachayniyoj
1Wakin runasqa mana yachankuchu mayk'ajchus k'amina. Wakin runastaj ch'inlla kakuspa allinta ruwanku.
2K'aminayki kajtin, k'amillay, mana phiñakuspalla.
3Juchanta willakojqa mana juchachasqachu kanqa.
4Pichus kallpawan justiciata ruwayta munan, rijch'akun uj eunucoman pichus munanman sipaswan puñukuyta.
5Mana parlakojmanta ninchej yachayniyoj kasqanta. Anchata parlajtarí chejninchej.
6Wakin ch'inlla kanku mana ni imata niyta yachasqankurayku. Wakintaj ch'in kanku allinta yachaspa mayk'ajchus parlananku tiyan.
7Yachayniyojqa yachan mayk'ajchus ch'in kanan tiyan, yachallantaj mayk'ajchus parlanan tiyan. Mana yachayniyojtaj jayk'ajllapis parlallan.
8Anchata parlajqa mana munachikunchu. Runa masinta sarojqa chejnichikun.
9Llakiypa qhepampi kusikuy jamullan. Kusikuypis llakiyman tukullantaj.
10Qospapis mana ni imata jap'ikunkichu. Chantapis, waj kuti qonki, ujmantataj iskayta jap'ikunki.
11Wakinku patamanta uraman uraykamunku. Wakinkutaj, urapi kaspa umankuta oqharinku.
12Wakinku pisillata rantinapaj ashkha qolqeta qonku, qanchis kutita pagaspa valesqanmanta astawan.
13Yachayniyoj runaqa pisillata parlaspa munachikun. Mana yachayniyojtaj, anchata parlasqanmanta mana munachikunchu.
14Mana umayojpa qosusqanqa mana ni imapaj sirvinchu. Ñawisnimpajqa chay qosqan, kasqanmanta aswan jatun rijch'an.
15Payqa pisillata qon. Chantapis anchatapuni runaspaj parlan. Payqa siminta jatunta kichan qhaparispa. Kunan qosunki, q'ayataj chay qosusqanta mañakapullasonqataj. Paymanta ayqenapaj jina chay runaqa.
16Mana umayojqa nishan: Amigosniy mana kapuwanchu, nispa. Mana ni pi agradekceuwanchu, nillantaj.
17T'antaymanta mikhojkunaqa sajra simis kanku, nispa nishan. Runastaj paymanta asirikunku.
18Chakiwan misk'ayqa aswan walej misk'aymantaqa simiwan. Sajra runasqa ujllapi misk'anqanku.
19Q'ayma aycha jina sonsoj parlaynin.
20Allimpis kachun sonsoj nisqanqa, chay nisqanta runas mana uyarinkuchu. Mana ninan kajtillan chayta nerqa ari.
21Wakinku ancha wajchas kasqankurayku mana juchallikunkuchu. Sonqonqa mana ni imamanta k'aminchu. Chayrayku paykunaqa allin kaypi samarikullan.
22Kallantaj pikunachus pisi sonqo kasqankurayku chinkayman rinku. Sonsosta qhatisqankurayku paykunapis urmallankutaj.
23Kallantaj pichus manchali kaspa, promesata ruwan amigonman. Mana junt'ayta atispataj, chay nisqanman uj enemigotaña tarikun.
24Runaqa llullakuywan ch'ichichakun. Mana umayojkuna llullakushankupuni.
25Suwaqa aswan walej llulla runamanta. Jinapis, iskayninku chinkayman rinku.
26Llulla runa p'enqaypipuni rikhurin. Sutin ch'ichichasqapuni.
27Yachayniyojtaj nisqanmanta munachikumpuni. Umayoj runaqa atiyniyojkunawan munachikumpuni.
28Jallp'ata llank'ajqa qhapaj kanqa. Atiyniyojkunawan munachikojtaj, juchallikonqa chayqa, perdonachikullanqa.
29Regalosqa yachayniyojkunaj ñawisninkuta ciegoyachin. Simisninkutataj qhataykun ama k'aminampaj.
30Yachayqa, pakasqa kajtin, mana rikukoj qoripis, imapaj sirvinkuri?
31Aswan walej uj runa locoyasqanta pakajqa, uj runamanta yachayninta pakajmantaqa.
Currently Selected:
ECLESIÁSTICO 20: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.