ECLESIÁSTICO 19
19
1Chayta ruwajqa mana ni jayk'aj qhapajman tukonqachu. Pisi kajta mana qhawajqa, wajchaman tukonqa.
2Runasqa vinowantaj warmiswantaj chinkayman chayanku. Juchasapa warmiswan purejqa ni p'enqakuytapis atinñachu.
3Chay runaqa khuruswan mikhuchikonqa. Diosmanta mana manchachikoj runaqa chinkachisqa kanqa.
Ama simiykiwan juchallikuychu
4Pichus pillawampis imallatapis parlan, mana umayojchu. Juchallikojqa pay kikinta dañota ruwakun.
5Sajrata ruwasqanmanta kusikojqa castigasqapuni kanqa.
6Ch'ajwamanta ayqejta mana juchawan atipachikonqachu.
7Ama ni piman willaychu imatachus nisusqankuta. Ajinamanta, mana ni pi ni imata ruwasonqachu.
8Ama ni imatapuni willaychu, ni amigoykimampis ni enemigoykimampis. Sichus mana willaspa juchallikuwaj chayqa, chaypachalla willakunki.
9Uyarisojkuna qhawasunkuman. Chantapis, chejnikusunkuman.
10Imallatapis uyarinkichu? Sepultura jina ch'in kakuy. Ch'in kasqaykimantaqa mana phatankichu.
11Mana umayoj runaqa imallatapis uyariytawan, qhajpacha correshan. Imaynachus onqoj warmi munashanña nacechikuyta, ajina sonso runaqa munashanña yachasqanta willayta.
12Imaynachus runaqa munashan wach'inata sik'ikuyta ukhunmanta, ajinataj sonsoqa munashan kachariyta payman willasqankuta pakayllamanta.
13Imallatapis nisojtinku amigoykimanta, payta tapuy. Ichapis mana ruwarqachu chay willasusqankuta. Chayta ruwarqa chaypis, tapullayraj amaña ujtawan ruwanampaj.
14Imallatapis nisojtinku runa masiykimanta, payta tapuy. Ichapis mana nerqachu chay willasusqankuta. Nerqa chaypis, chaytaqa manaña ujtawan nenqachu.
15Amigoykita watukuy. Paypaj parlaspa llullakunkuchá. Ama creeychu tukuy nisusqankuta.
16Mana munaspalla runaqa nisqanwan pantan. Pitaj siminwan mana juchallikorqachuri?
17Amaraj phiñakuychu. Parlakullayraj runa masiykiwan. Ajinamantaqa, patapi kajpa kamachisqasninta junt'anki.
Imaynamanta rejsikun cheqamanta kaj yachay
18Yachayqa Señorta yupaychaymin. Yachaywan junt'asqa pichus Diospa kamachisqanta ruwan.
19Sajra kajta rejseyqa manaraj yachaychu. Juchasapaspa ukhupeqa mana kanchu unanchakuy.
20Wakin runas, umayoj kaspapis, nisqankupi pantanku. Mana umayojqa nitaj yuyayniyojchu.
21Tiyan pisi umayojkuna pikunachus Diosta munakunku. Kallantaj umayojkuna pikunachus Diospa kamachisqasninta mana junt'ankuchu.
22Wakinku yachasqankuwan runa masisninkuta llakichinku. Wakinkutaj, cheqan kajta mask'aspa paykunapaj llullakunku.
23Tiyan pikunachus jawamanta k'umuykukusqas purinku, llakisqastaj. Ukhunkupitaj llullakuywan junt'a kanku.
24Paykunaqa umankuta k'umuykuspa joq'araman tukunku. Jinapis, qanta sarusunku.
25Kunanqa manachá atinrajchu mana allin kajta ruwasuyta. Atiytawanqa imallatapis ruwasonqapuni.
26Runataqa rejsinchej uyanmanta. Runaqa yachayniyoj kasqanta rikuytawampacha yachallanchej.
27Imaynachus uj runa kasqanta yachanchej p'achanmanta, asirikuyninmanta, puriyninmantataj.
Currently Selected:
ECLESIÁSTICO 19: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.