ECLESIÁSTICO 10
10
Runasta kamachejkuna
1Yachayniyoj kamachejqa sumajta purichin runasninta. Kamachisqantaj tukuy imapi allin.
2Imaynachus kamachejqa, ajinallataj runasnimpis. Imaynachus llajtapi kamachejqa, ajinallataj llajtapi tiyakojkunapis.
3Mana yachayniyoj reyqa chinkayman apan runasninta. Llajtaqa ñaupajman rin kamachejkunaj umasninkurayku.
4Mundota kamacheyqa Señorpa makisnimpi kashan. Necesitakusqanman jina, pay rikhurichin kamachejta.
5Señorpa yanapayninrayku runaqa ñaupajman rin. Paymin kamachejta yanapan ruwasqampi.
Ama pataman oqharikuychu
6Amapuni phiñanakuychu runa masiykiwan, ima juchayojpis kajtin. Ama ni imata ruwaychu phiñakuywan atipachikuspa.
7Diostaj runastaj chejninku wapuykachaj runata. Diostaj runastaj mana munankuchu runas sarusqas kanankuta.
8Kunan uj nación atiyniyoj kashan. Q'aya wajñataj atiyniyoj kanqa chejninakuynejta qolqenejtataj.
9Imajtin runaqa wapuyapun jallp'alla ushphalla kajtimpis? Kausakusajtinraj ukhun ismuyashanñaqa.
10Jampejqa mana sinch'i onqoymantaqa asirikullan. Jinapis, kunan rey kajqa q'ayataj aya kanqa.
11Wañusqa runataqa jap'ikapunku ch'uspis, atojkuna khurus ima.
12Señormanta qonqapojqa wapuman tukun. Ajinamanta karunchakun payta ruwajninmanta.
13Jucharayku runaqa wapuyakun. Juchallikojqa juchantaqa tukuynejpi t'aqan. Chayrayku, Diosqa juchasapata mayta castigaykun, nanaykuchintaj tukuchinankama.
14Señorqa atiyniyojkunata tiyanasninkumanta urmaykucherqa, chaypitaj tiyaykucherqa llamp'u sonqoyojkunata.
15Señorqa wapu wapusta saphinkumanta sik'iykorqa, chaypachallapitaj churaykorqa k'acha sonqoyojkunata.
16Señorqa tukucherqa mana creej nacionesta. Payqa t'unarparicherqa mana ni uj runallatapis saqespa.
17Payqa kay pachamanta picharqa tukuyninkuta pampachaspa. Sutinkutapis kay pachamanta chinkacherqa.
18Wapu kayqa mana allinchu runapajqa. Oqharikuypis mana allinchu warmej wawampajqa.
Pikuna rejsisqas kananku tiyan
19Pikunata respetana? Runasta. Pikunata respetana? Señorta yupaychajkunata. Pikunata qhesachana? Runasta. Pikunata qhesachana? Diospa leyninta p'akejkunata.
20Kurajqa respetasqa wauqesnin ukhupi. Señorqa rejsichin payta yupaychajkunata.
21Ñaupajtaraj Señorta yupaychay. Chaymantaqa, allinta recibisonqanku. Rumi sonqotaj waputaj kanki chayqa, mana recibisonqankuchu.
22Runaqa, qhapajchus, sumaj rejsisqachus, wajchachus, kusikuchun Señorta yupaychasqanmanta.
23Manapuni allinchu qhesachayqa umayoj wajchata. Juchasapatarí mana respetowan qhawanachu.
24Respetana kamachejta, juezta, atiyniyojtataj. Jinapis, paykunaqa mana aswan jatuchejchu kanku Diosta yupaychajmanta.
25Umayoj kamacheqa sirvichikun mana kamachi runaswan. Yachayniyoj runaqa mana ni imamanta waqanchu.
26Ruwanayki kajta ruwajtiyki, ama oqharikuychu. Llakiyniyoj kajtiyki ama pataman oqharikuychu.
27Aswan sumajqa tukuy imayoj llank'aj runa, wapu runamanta mana mikhuytapis atejmanta.
28Wawáy, pisillata jatunyakuy. Maychus kajllata qan kikiykita munakuy.
29Pitaj mana juchayojta tarinman pay kikinta juchachakojtari? Pay kikinta mana respetakojta, pitaj respetanmanri?
30Wajcha runaqa respetachikun yachayninmanta. Qhapajtaj qolqenmanta.
31Wajcha respetachikun chayqa, qhapaj kaspaqa astawan respetachikonqa. Qhapaj chejnichikun chayqa, wajcha kaspaqa astawan chejnichikonqa.
Currently Selected:
ECLESIÁSTICO 10: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.