ECLESIÁSTICO 9
9
Warmismanta
1Munakusqayki warmiykimantaqa ama sajrata yuyaychu, ama mana allin kajta ruwachichikunaykipaj.
2Ama saruchikuychu warmiwan. Ichapis munasqanman jina purichisunman.
3Ama riychu mana allin puriyniyoj warmiwan. Urmachisunkiman.
4Ama puriychu takej warmiwan. Ch'ipasninwan jap'ichikuwaj.
5Ama qhawaychu sipasta. Ichapis paywan juchallikuspa paganayki kanqa.
6Ama riychu juchasapa warmispaman. Ichapis kapuyniykita chinkachiwaj.
7Llajtapi purispa ama warmista qhawapayaychu. Amataj ch'in k'uchusman riychu.
8K'acha warmiwan tinkukojtiyki waj ladoman qhaway. Ama munapayaychu ajeno warmita. Ashkha qharis chinkayman chayarqanku k'acha warmisrayku. Munakoyqa nina jina ruphaykun.
9Ama tiyakuychu casado warmej ladompi mikhoj. Ama chimpaychu paywan khuska ujyaj. Ichapis sonqoyki payta munakunman, chinkaymantaj chayawaj.
Ama pillawampis puriychu
10Ama saqerpariychu unay amigoykita. Kunallan chayamoj chay waj amigoqa, mana chay ñaupa amigoyki jinachu. Mosoj amigoqa mosoj vinoman rijch'akun. Mauk'ayachunraj. Chaypacha gustoykiman ujyallanki.
11Ama envidiakuychu sajra runamanta. Mana yachankichu imachus pasananta.
12Ama kusikuychu sajra runasman allinta risqanmanta. Yuyarikuy kay pachapeqa castigasqaspuni kanankuta.
13Karunchakuy wañuchej sonqo runamanta. Ajinamanta, wañuymantaqa mana manchachikunkichu. Payman chimpanki chayqa, allinta qhawaykuy. Pajtataj wañuchisunkiman. Yachallay ñanniykipi misk'achinastaj ch'ipastaj kasqanta.
14Runa masiykiwan sumajta kausay atisqaykiman jina. Yachayniyojkunawan puriy.
15Parlarikuy umayoj runaswan. Paykuna ukhupi kausaqesniykita mask'ay.
16Mikhunasniykiman wajyay cheqan sonqoyoj runasta. Diosta yupaychaspa kusikuyniykita tariy.
17Runaj makinwan ruwasqataqa runasqa alabanku. Runasta kamachejqa allinta parlanan tiyan.
18Llajtapi runasqa manchachikunku sumajta parlajmanta. Anchata parlajtaj chejnichikun.
Currently Selected:
ECLESIÁSTICO 9: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.