APOCALIPSIS 8

Qanchis kaj sello

1Qanchis kaj sellota Cordero kicharejtintaj, janaj pachapi khuskan horata jina ch'in karqa. 2Rikorqanitaj Diospa ñaupaqempi qanchis angelesta sayashajta. Paykunamantaj qanchis pututus qosqa karqa. 3Waj angeltaj jamuspa altarpa ñaupaqempi sayaykorqa, qorimanta incienso q'osñichina oqharisqa. Ashkha inciensotaj payman jaywasqa karqa, tukuy ajllasqaspa mañakuyninkuman yapaykunampaj tronoj ñaupaqempi, chay qori altarpi. 4Inciensoj q'osñintaj angelpa makinmanta Diospa ñaupaqenman wicharerqa, ajllasqaspa mañakusqasninkuwan. 5Angeltaj incienso q'osñichinata jap'ispa, altar patapi kaj ninawan junt'aykucherqa. Chaytataj jallp'aman thalliykamorqa. Chaypacha karqanku qhon qhonkuna, lliuj lliujkuna, jallp'a kuyuriy ima.

Qanchis trompetas

6Qanchis angelestaj, sapa uj trompetanta waqachinampaj wakichikorqanku.

7Ñaupaj kaj angeltaj trompetanta waqacherqa; chaypacha, granizo, ninawan, yawarwan ima chajrusqa jallp'aman urmamorqa. Jallp'aj kinsa kaj suyunmanta ujnin kaj ruphaykorqa, sach'asmanta kinsa kaj rak'iyninmanta ujnin kaj ruphaykorqa, tukuy q'omer qhorapis ruphaykullarqataj.

8Iskay kaj angeltaj trompetata waqacherqa. Uj jatun orqo jinataj, ninawan larwashaj mar qochaman wijch'uykukorqa, mar qochaj kinsa kaj t'aqaynintaj yawarman tukuporqa. 9Mar qochapi kausajkunamanta kinsa kaj t'aqaynin wañorqa, barcosmantapis kinsa kaj t'aqaynin p'ultisqa karqa.

10Kinsa kaj angeltaj trompetata waqacherqa. Janaj pachamantataj uj jatun ch'aska urmamorqa, uj k'anchay jina larwaspa; mayuspa kinsa kaj t'aqanman urmarqa, yaku pujyusmanwan. 11Chay ch'askaj sutintaj Ajenjo nisqa karqa. Yakuspa kinsa kaj t'aqaynintaj ajenjoman tukuporqa; ashkha runastaj chay yakuswan wañurarqanku; yakustaj jayaman tukuporqanku.

12Tawa kaj angeltaj trompetata waqacherqa. Intej kinsa kaj t'aqan, killaj kinsa kaj t'aqan, qoyllurkunajtapis kinsa kaj t'aqan wajtasqa karqa. Chayrayku p'unchaypa kinsa kaj t'aqan manaña k'ancharqachu, ajinallataj tutajtapis.

13Rikorqanitaj uj angelta, janaj pachaj chaupinta phawashajta, uyarerqanitaj nejta: Ay, ay, ay, jallp'api tiyakojkunamanta! Chay kinsa angelesqa, trompetasta waqachinankuraj tiyan, nispa.

Currently Selected:

APOCALIPSIS 8: QCHSB

Highlight

Copy

Compare