APOCALIPSIS 3
3
Sardis iglesiaman
1Sardis iglesiaj angelninman escribiy: Kayta nin pichus Diospa qanchis espiritusninta, qanchis qoyllurkunatawan jap'in, chay: Ruwasqasniykita rejsini. Yachanitaj sutiykitaj kausajpata jina kasqanta. Chaywampis wañusqa kashanki. 2Mana puñuspa qhaway. Chay wakin wañupushankuña chaykunata kallpachay; imaraykuchus ruwasqasniykita mana allintachu Diosniypa ñaupaqempi tarini. 3Yuyariy ari imatachus jap'isqaykita, uyarisqaykitawan. Chaytaqa waqaychaytaj. Juchamanta kutirikuy. Manachus mana puñuspa qhawanki chayqa, suwa jina jamusqayki, nitaj ima horapichus jamunayta yachankichu. 4Pisi runas kanku Sardispi p'achankuta mana ch'ichichajkuna. Paykunaqa yuraj p'achaswan p'achallisqas noqawan purenqanku, chaypaj jina kasqankurayku. 5Ajinata atipajqa yurajwan p'achallikonqa, manataj kausay libromanta sutinta pichasajchu. Tataypa ñaupaqempi, angelesnimpa ñaupaqempitaj sutinta rejsichisaj. 6Ningriyoj kajqa uyarichun imatachus Espíritu iglesiasman nisqanta.
Filadelfia iglesiaman
7Filadelfia iglesiaj angelninman escribiy: Kayta nin llimphu kaj, cheqa kaj, pichus Davidpa llaventa jap'in, chay. Pay punkuta kichajtin mana pipis wisq'ayta atinchu. Punkuta wisq'ajtintaj, mana pipis kichayta atinchu. Chaymin kayta nin: 8Rejsini ruwasqasniykita. Qhaway, ñaupaqeykipi uj punkuta churani. Chaytaqa mana pipis wisq'ayta atinchu; imaraykuchus uj chhinka kallpayojllaraj kanki, palabraytataj waqaycharqanki, sutiytapis mana qhesacharqankichu. 9Qhaway, wakinta Satanaspa tantakuna wasinmanta kajkunata qosqayki. Pikunachus judíos kayku ninku, manataj judioschu, llullas kanku. Paykunata kamachisaj jamunankuta chakisniykiman qonqorikoj, yachanankupajtaj munakususqayta. 10Qanqa nisqayman jina pacienciakorqanki, noqapis qanta waqaychasqayki tentación horapi, chaytaj tukuy mundoman jamonqa, mundopi tiyakojkuna rejsisqas kanankupaj. 11Usqhayta jamusaj. Chay kapususqanta allinta jap'iy, ama pipis pilluykita qhechusunampaj. 12Atipajtaqa uj pilarta jina sayachisaj Diosniypa wasimpi, ama jayk'aj jawaman llojsinampaj, Diosniypa sutintataj paypi escribisaj, Diosniypa llajtampa sutintawan. Chayqa mosoj Jerusalén. Chaytaj janaj pachamanta uraykamun, Diosniypamanta, mosoj sutiywantaj. 13Ningriyoj kajqa uyarichun imatachus Espíritu iglesiasman nisqanta.
Laodicea iglesiaman
14Laodicea iglesiaj angelninman escribiy: Kayta nin Amén nisqa, allinta junt'aj, cheqa kajtaj, pichus tukuy ima Diospa ruwasqasninmanta qallariynin, chay: 15Ruwasqasniykita rejsini, mana chirichu, nitaj q'oñichu kasqaykitawan. Allin kanman chiri, chayrí rupha kanayki. 16Q'oñiyasqalla kanki, mana chirichu, nitaj ruphachu. Chayrayku simiymanta ajtumusqayki. 17Qanqa nishanki: Qhapaj kani, allin riwarqa, manataj imapipis pisisqachu kani. Qanqa mana reparakunkichu, khuyana, mana imayoj, wajcha, mana rikoj, q'alallataj kasqaykita. 18Qanta umachayki noqamanta rantikunaykita ninapi ch'uwachasqa qorita, qhapaj kanaykipaj; rantikunaykitataj yuraj p'achata p'achallikunaykipaj, ama q'ala kasqaykej p'enqaynin rikukunampaj rantikunaykitataj; ñawisniykipaj ñawi jampinata, rikunaykipaj. 19Tukuy munakusqasniyta k'amini, jasut'initaj. Sonqochakuy ari, juchamantataj kutirikuy. 20Qhaway, punkupi kashani, wajyashanitaj. Sichus uj runa wajyasqayta uyarin, punkutataj kicharimun chayqa, noqaqa paypaman yaykusaj. Paywantaj mikhusaj, paytaj noqawan mikhonqa. 21Atipajtaqa noqawan tronoypi tiyachisaj. Noqapis atiparqani, chayrayku Tataypa tronompi tiyaykukorqani. 22Ningriyoj kajqa uyarichun imatachus Espíritu iglesiasman nisqanta.
Currently Selected:
APOCALIPSIS 3: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
