Popular Bible Verses from APOCALIPSIS 3

Share

Qhaway, punkupi kashani, wajyashanitaj. Sichus uj runa wajyasqayta uyarin, punkutataj kicharimun chayqa, noqaqa paypaman yaykusaj. Paywantaj mikhusaj, paytaj noqawan mikhonqa.

Ruwasqasniykita rejsini, mana chirichu, nitaj q'oñichu kasqaykitawan. Allin kanman chiri, chayrí rupha kanayki. Q'oñiyasqalla kanki, mana chirichu, nitaj ruphachu. Chayrayku simiymanta ajtumusqayki.

Tukuy munakusqasniyta k'amini, jasut'initaj. Sonqochakuy ari, juchamantataj kutirikuy.

Rejsini ruwasqasniykita. Qhaway, ñaupaqeykipi uj punkuta churani. Chaytaqa mana pipis wisq'ayta atinchu; imaraykuchus uj chhinka kallpayojllaraj kanki, palabraytataj waqaycharqanki, sutiytapis mana qhesacharqankichu.

Atipajtaqa noqawan tronoypi tiyachisaj. Noqapis atiparqani, chayrayku Tataypa tronompi tiyaykukorqani.

Qanqa nishanki: Qhapaj kani, allin riwarqa, manataj imapipis pisisqachu kani. Qanqa mana reparakunkichu, khuyana, mana imayoj, wajcha, mana rikoj, q'alallataj kasqaykita.

Qanqa nisqayman jina pacienciakorqanki, noqapis qanta waqaychasqayki tentación horapi, chaytaj tukuy mundoman jamonqa, mundopi tiyakojkuna rejsisqas kanankupaj.

Usqhayta jamusaj. Chay kapususqanta allinta jap'iy, ama pipis pilluykita qhechusunampaj.

Mana puñuspa qhaway. Chay wakin wañupushankuña chaykunata kallpachay; imaraykuchus ruwasqasniykita mana allintachu Diosniypa ñaupaqempi tarini.