SAN MARCOS 11

Jesús yaykun Jerusalenman

(Mt 21.1-11; Lc 19.28-40; Jn 12.12-19)

1-2Jesús yachachisqasninwan Jerusalenman qayllashaspa, Olivos orqoj chimpampi Betfagé llajtawan Betania llajtawan tinkuyman chayarqanku. Chaymanta Jesusqa iskay yachachisqasninta kacharqa, nispa: Riychej jaqay chimpa ranchoman, yaykuspataj uj uña burrota tarinkichej watasqata; chay burromanqa manaraj pipis montarqachu. Phaskaraspataj kayman aysamuychej. 3Pipis tapusojtiykichej, imapajtaj chay burrota phaskarashankichej?, nispa chayqa, niychej: Señor munan kay burropi riyta. Kunampachataj kutichimpusonqa.

4Paykunataj ranchoman rispa, uña burrota ñan patapi tarerqanku, wasi punkupi watasqata; phaskararqankutaj.

5Chaypi kajkunamanta wakintaj taporqanku: Imapajtaj chay burrota phaskarashankichej?

6Paykunataj kuticherqanku Jesuspa kamachisqanman jina; runastaj saqellarqankuña apajta. 7Burrotataj Jesusman aysamorqanku; p'achasninkuta caronaykojtinkutaj, Jesusqa burroman montaykorqa. 8Ashkha runastaj p'achasninkuta ñanman mast'asharqanku; wajkunataj, sach'asmanta ramasta p'akiramuspa, mast'allata ñanman churasharqanku. 9Jesuspa ñaupaqenta rejkuna, qhepanta jamojkuna ima, qhaparisharqanku: Kausachun! Yupaychasqa kachun Diospa sutimpi jamojqa! 10Yupaychasqa kachun tatanchej Davidpa jamoj reinon! Kausachun janaj pachapi!

11Jesustaj Jerusalenman chayaspa, temploman yaykorqa; muyuynimpi tukuy imata qhawaspataj, ch'isiyaykuyña kajtin, chunka iskayniyoj yachachisqasninwan Betaniaman rerqa.

Higos sach'ata maldicin

(Mt 21.18-19)

12Q'ayantin Betaniamanta kutirimushajtinku, Jesús yarqhachikorqa. 13Karumantataj rikorqa uj higo sach'ata, q'omer laqhesniyojta. Higosta tariyta munaspataj, higo sach'aman qayllaykorqa, manataj poqoyta tarerqachu; manachayqa laqhesllata, imaraykuchus manaraj higos tiempochu karqa. 14Chantá Jesús higo sach'aman nerqa: Ama jayk'aj, pipis poqoyniykita mikhuchunchu.

Yachachisqasnintaj chay nisqanta uyarerqanku.

Jesús qharqon templomanta vendejkunata

(Mt 21.12-17; Lc 19.45-48; Jn 2.13-22)

15Chaymantataj Jerusalenman chayamorqanku. Jesustaj temploman yaykuspa, rantejkunata, qhatojkunatawan jawaman qharqoyta qallarerqa. Qolqe chhalajkunaj mesasninkutataj tijrararqa; paloma qhatojkunaj tiyanasninkutapis tijrarallarqataj. 16Manataj pitapis saqerqachu, templonejta imatapis apaykachananta. 17Chay qhepantataj Jesusqa yachachiyta qallarerqa runasman, nispa: Manachu Escriturapi nin: Waseyqa Diosmanta mañakuna wasi, nisqa kanqa tukuy runaspaj, nispa? Qankunarí suwa jusk'uman tukuchisqankichej.

18Jesuspa nisqanta uyarispataj, leymanta yachachejkuna, kuraj sacerdotes ima, mask'asharqanku imaynatachus Jesusta wañuchinankuta; imaraykuchus payta manchachikoj kanku tukuy runas. Jesuspa yachachisqantataj t'ukuspa uyarisharqanku. 19Ch'isiyaykuytataj Jesús, yachachisqasnin ima llajtamanta riporqanku.

Higo sach'a ch'akisqa

(Mt 21.20-22)

20Q'ayantintaj, tutamanta ñanta rishaspa, higo sach'ata rikorqanku saphisninmantapacha ch'akisqata. 21Pedrotaj Jesuspa nisqanta yuyarikuspa nerqa: Maestro, qhawariy, maldicisqayki higo sach'a ch'akipusqa.

22Jesustaj kuticherqa: Diospi feniyoj kaychej. 23Cheqamanta niykichej, pillapis kay orqota ninman: Jatariy, jatun qochaman wijch'uykuykuy, sonqompitaj mana iskayrayaspa creenman chayqa, paypa nisqan ruwakunman. 24Chayrayku noqa niykichej: Diosmanta imatapis mañakuspaqa, creeychej jap'inaykichejta, jamusonqachejtaj. 25Diosmanta mañakushaspa, piwampis phiñanasqa kaspaqa, allinyakapuy; ajinamanta, janaj pachapi kaj Tataykichejpis juchasniykichejta pampachanqa. [ 26Manachus runa masiykichejwan allinyakuwajchej chayqa; nillataj janaj pachapi kaj Tataykichejpis juchasniykichejta pampachanqachu.]

Jesuspa atiynin

(Mt 21.23-27; Lc 20.1-8)

27Ajinamanta, Jesús yachachisqasninwan kutirimorqa, templopi puriykachashajtintaj, payman chimpamorqanku kuraj sacerdotes, leymanta yachachejkuna, kurajkuna ima. 28Paykunataj Jesusta taporqanku: Ima atiywantaj kay tukuy imata ruwanki? Pitaj kay atiyta qosorqa chaykunata ruwanaykipaj?

29Jesustaj paykunaman kuticherqa: Noqapis ujta tapullasqaykichejtaj, chayman kutichiwankichej chayqa, noqapis willasqaykichej ima atiywanchus kay imasta ruwasqayta. 30Niwaychej, Juampa bautismonqa janaj pachamantachu, chayrí runakunamantachu?

31Paykuna ukhutaj churanakusharqanku, nispa: Janaj pachamanta nisun chayqa, niwasunman. Imaraykutaj chantá mana creerqankichejchu? 32Runasmanta jamorqa chay bautismo nisunchu? Paykunaqa runata manchachikorqanku, imaraykuchus tukuy yacharqanku Juanqa profetapuni kasqanta. 33Ajinamanta, Jesusman kuticherqanku: Mana yachaykuchu, nispa.

Chaymantataj Jesús paykunaman nerqa: Noqapis mana niykichejmanchu ima atiywanchus kay imasta ruwasqayta.

Currently Selected:

SAN MARCOS 11: QCHSB

Highlight

Copy

Compare