HEBREOS 4

1Manchachikuna ari, Diospa samakuyninman yaykuna kashajtintaj, qankunamanta pillapis mana yaykunmanchu. 2Paykunaman jina, noqanchejman evangeliota willawarqanchej; chaywampis, uyarisqankoqa paykunapaj mana allimpajchu karqa, mana feniyoj uyarisqankurayku. 3Noqanchej creejkunaqa samakuyninman yaykunchej, nisqanman jina. Chayrayku anchata phiñakuspa jurarqani, mana samakuyniyman yaykonqankuchu, nispa. Chaykama, Diospa ruwasqasnenqa tukusqasña karqanku, kay mundota ruwasqanmantapacha. 4Qanchis kaj p'unchaymantaqa, wajnejpi nerqa: Diosqa qanchis kaj p'unchaypitaj tukuy ruwasqasninmanta samarikorqa. 5Ujtawan kaynejpi nillarqataj: Samakuyniyman mana yaykonqankuchu, nispa. 6Wakenqa samakuyninman yaykunankuraj tiyan; chay ñaupajta allin willanasta uyarejkunaqa, mana yaykorqankuchu, mana kasuyta munasqankurayku. 7Watejmanta uj p'unchayta churallantaj kunan, nispa: Davidnejta chay chhika unaymanta, imaynachus patapi nisqaña kashan, ajinata: Kunan p'unchaychus parlasqanta uyariwajchej chayqa, ama sonqoykichejta rumiyachiychejchu, nispa. 8Josuechus paykunaman samakuyta qonman karqa chayqa, mana chay qhepataña, waj p'unchaymanta parlanmanchu karqa. 9Chayrayku, Diospa ayllumpaj uj samakuy kanrajpuni. 10Pichus samakuyninman yaykorqa chayqa, ruwasqasninmanta imaynatachus Diospis samakunña, ajinata. 11Kallpachakuna ari jaqay samakuyman yaykunapaj; amataj pipis paykuna jina, chay mana kasukuy juchaman urmanampaj.

12Diospa palabranqa kausayniyoj, atiyniyojtaj; khuchuytataj atin astawan iskay filoyoj espadamanta nisqaqa; yaykuntaj ukhukama, almata, espirituta, ankusta, chilenatapis p'itinankama; allintataj rejsin sonqoj yuyasqasninta, munasqasnintapis. 13Tukuy ruwasqa kajqa, paypa ñaupaqempi, mana pakasqa kayta atinchu; astawanqa, tukuy imapis sut'i, rikusqastaj kanku paypa ñawisnimpaj, paymantaj kausayninchejmanta willakunanchej tiyan.

Jesusqa kuraj sacerdote

14Chayrayku, kuraj sacerdoteyoj kaspa, pichus janaj pachaman yaykorqa; Jesús, Diospa Churimpi creesqanchejpi allinta sayananchej tiyan. 15Uj kuraj sacerdote tiyapuwanchej, pichus onqoykunasninchejmanta khuyakuyta atiwanchej. Payqa tukuy imapi tentasqa karqa noqanchej jina; manataj payqa jayk'ajpis juchallikojchu. 16Mana manchachikuspa ari, yanapaynimpaj tiyakunanman qayllaykuna, khuyakuyninta jap'inanchejpaj, yanapayninta tarinanchejpajtaj maychus tiempompi.

Currently Selected:

HEBREOS 4: QCHSB

Highlight

Copy

Compare