HEBREOS 5

1Sapa kuraj sacerdoteqa, runakuna ukhumanta ajllasqa, runakunaj allinnimpajtaj churasqa Diospa imasnimpi. Payqa rikuchikuta jaywan, uywa wañuchisqastapis juchasrayku. 2Mana yachajkunata, pantasqa kajkunatapis atin khuyakuyta, paypis pisi kallpawan p'achallisqa kasqanrayku. 3Chayrayku, imaynatachus pay kikimpaj uywa wañuchisqasta jaywan; ajinallatataj runaspajpis jaywanan tiyan juchasrayku. 4Manataj pipis pay kikimpaj allin sutita jap'inchu, manachus Dios wajyanman chayqa, Aaronta jina. 5Ajinata Cristopis, mana pay kikinmantachu allin sutita jap'erqa kuraj sacerdote kanampaj. Kikin Diospuni payman nerqa: Qan Churiy kanki. Kunan p'unchay yumarqayki, nispa. 6Wajnejpipis nillantaj: Qan wiñaypaj sacerdote kanki, Melquisedecpa t'aqanman jina. 7Cristo aychallapiraj kashaspa mañakoj wañuymanta salvayta atejmanta, manchay qhapariywan, waqaywantaj; manchachikuywan qhaparisqanraykutaj uyarichikorqa. 8Diospa Churin kashaspapis ñak'arisqanrayku, kasukuyta yachakorqa. 9Allinchasqaña kaspa, tukuy payta kasojkunapaj wiñaypaj salvajnin churasqa karqa. 10Diostaj kuraj sacerdoteta payta suticharqa, Melquisedecpa t'aqanman jina.

Qhawakuychej creeyta saqechejkunamanta

11Chaymantaqa ashkhata ninanchej tiyan, qankunataj qhellas kankichej uyarinaykichejpaj. 12Unaymantapacha creesqaykichejrayku, yachachejkunaña kanaykichej karqa; kunantaj watejmanta yachachinaraj kankichej, Diospa palabrampa qallariyninmanta. Qankunaqa lechellapajraj kankichej, mana khamuna mikhunapajrajchu. 13Pichus lechellawanraj kajqa, cheqan kaj yachachiyta mana yachanrajchu, wawa kasqanrayku. 14Khamuna mikhoyqa machu runaspajña, pikunachus yachasqaña kaspa, unanchanku allin kajta, sajra kajtapis sut'ita rejsispa.

Currently Selected:

HEBREOS 5: QCHSB

Highlight

Copy

Compare