GÁLATAS 6
6
Purajmanta yanapanakuychej
1Hermanos, sichus qankunamanta pipis juchaman urman chayqa, qankuna Espirituman jina purejkunaqa khuyakuywan yanapaychej, ujtawan sayarinampaj. Sapa uj qhawakuchun, ama juchaman urmanampaj. 2Purajmanta q'episniykichejta apaysinakuychej, ajinapi Cristoj leyninta junt'anaykichejpaj.
3Pipis ima kasqanta yuyakun chayqa, mana imapis kashaspa, pay kikinta ch'aukiyakun. 4Ajinaqa sapa uj pay kikimpa ruwasqanta qhawakuchun; chantá paypa kallpanwan kusikuchun, amataj wajpa ruwasqanwanqa. 5Sapa uj kikin q'epinta apachun.
6Pichus evangeliopi yachachisqa kajqa, tukuy ima allin kajta yachachejninman jaywarichun.
7Ama ch'aukiyakuychejchu; Dioswanqa mana pujllakuy kanchu; chayrayku runa imatachus tarpun, chayllatataj oqharenqa. 8Aychapaj tarpojqa, aychamanta wañuyta jap'enqa. Pichus Espiritupaj tarpojtaj, Espiritumanta wiñay kausayta jap'enqa. 9Ama sayk'unachu allin kajta ruwaspa; tiempompi oqharisun, sichus llank'ayninchejpi mana sayk'usunchu chayqa. 10Chayrayku sapa kuti atisqanchejman jina tukuypaj allinta ruwana, astawanqa fepi hermanosninchejpaj.
Pabloqa Cristoj cruzninmanta kusikun
11Qhawariychej. Kikin makisniywan jatuchaj letraswantaj escribimuykichej. 12Tukuy, aychaj munayninta ruwajkunaqa, munanku circuncidachikunaykichejta, ama Cristoj cruzninrayku qhatiykachachikunankupaj. 13Circuncidasqa kajkunapis leyta waqaychaytaqa mana atinkuchu. Chantá munankutaj qankuna circuncidachikunaykichejta, chay jawa kusikunankupaj. 14Noqaqa Señorninchej Jesucristoj cruznillampi kusikuni. Paynejta noqapajqa mundo chakatasqa karqa, noqataj mundopaj. 15Cristopeqa mana allinchu circuncidasqa kayqa, nillataj mana circuncidasqa kaypis. Astawanqa, mosoj kausaymin aswan allin. 16Tukuy kay kamachiykunaman jina purejkunaman sonqo samakuy, khuyakuytaj kachun; jinallataj Diospa ayllun Israelmampis.
17Kunanmanta ñaupajmanqa amaña pipis umayta nanachiwachunchu, imaraykuchus ukhuypi apashani Jesuspa t'irisninta.
18Hermanos, Señorninchej Jesucristoj khuyakuynin qankunawan kachun. Amén.
Currently Selected:
GÁLATAS 6: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
