Popular Bible Verses from GÁLATAS 6

Share

Ama sayk'unachu allin kajta ruwaspa; tiempompi oqharisun, sichus llank'ayninchejpi mana sayk'usunchu chayqa.

Chayrayku sapa kuti atisqanchejman jina tukuypaj allinta ruwana, astawanqa fepi hermanosninchejpaj.

Purajmanta q'episniykichejta apaysinakuychej, ajinapi Cristoj leyninta junt'anaykichejpaj.

Ama ch'aukiyakuychejchu; Dioswanqa mana pujllakuy kanchu; chayrayku runa imatachus tarpun, chayllatataj oqharenqa.

Aychapaj tarpojqa, aychamanta wañuyta jap'enqa. Pichus Espiritupaj tarpojtaj, Espiritumanta wiñay kausayta jap'enqa.

Hermanos, sichus qankunamanta pipis juchaman urman chayqa, qankuna Espirituman jina purejkunaqa khuyakuywan yanapaychej, ujtawan sayarinampaj. Sapa uj qhawakuchun, ama juchaman urmanampaj.

Pipis ima kasqanta yuyakun chayqa, mana imapis kashaspa, pay kikinta ch'aukiyakun. Ajinaqa sapa uj pay kikimpa ruwasqanta qhawakuchun; chantá paypa kallpanwan kusikuchun, amataj wajpa ruwasqanwanqa. Sapa uj kikin q'epinta apachun.