COLOSENSES 3

1Chayrayku, Cristowan khuskachus kausarimorqankichejña chayqa, mask'aychej janaj pachapi kaj imasta, maypichus Cristoqa Diospa pañampi tiyasqa kashan, chaymanta. 2-3Ajinata janaj pacha imaspi yuyaychej, ama kay jallp'a patapi imaspeqa. Qankunaqa wañorqankichejña. Chayrayku kausayniykichejqa Cristowan Diospi pakasqa kashan. 4Cristo kausayniykichej kasqanta rikuchikojtin, chaypacha qankunapis paywan jatun lliphipej k'anchaynimpi rikuchisqasllataj kankichej.

Ñaupa kausay mosoj kausaywan

5Wañuchiychej ari qankunapi jallp'a patapi sajra imasta munasqaykichejta: Qhenchachakuyta, khuchiriota, aychaj munayninta ruwayta, sajra munapayayta, anchata qolqeta munapayayta ima. Chayqa lantita yupaychaywan ninakun. 6Kay imasrayku Diospa k'ajaj phiñakuynin jamun, mana kasojkunaj patanman. 7Qankunapis ñaupajta chay imasta ruwaspa purerqankichej. 8Kunanqa saqeychej kay tukuy imasta: Phiñakuyta, phiñapayayta, sajra yuyayta, Diospaj rimayta, millay parlaykunata ima. 9-10Chantá ama purajmanta llullanakuychejchu. Qankunaqa chay mauk'a runa jina kausayta saqerqankichejña mosoj runamanta p'achawan jina p'achallikunaykichejpaj. Mosoj runaqa ruwajnimpa rijch'ayninman jina mosojyachisqa wiñashan. 11Mana kanchuña griego, judío, circuncidasqa, mana circuncidasqa, mana llajtayoj runa, k'ita runa, kamachipis, mana kamachipis. Manachayqa Cristomin tukuy ima, tukuypitaj kashan.

12Diospa ajllasqasnin jina, llimphuchasqas munasqastaj p'achallikuychej ari. Jatun khuyakuywan, k'acha kaywan, llamp'u sonqo kaywan, pacienciawan ima. 13Ujkuna ujkunawan paciencianakuspa, purajmanta juchasniykichejta perdonanakuspa, sichus pipis wajpa contrampi kanman chayqa. Imaynatachus Cristopis juchasniykichejta pampacharqa, ajinata qankunapis ruwaychej. 14Kay tukuy imasmanta astawanqa, munakuywan p'achawan jina p'achallikuychej, imaraykuchus chayqa allinman tukuyta ujllaman tukuchin. 15Cristoj sonqo tiyakuynin sonqoykichejpi kamachichun. Kaypajmin wajyasqas kankichej, ujlla kanaykichejpaj. Qankunataj Diosman graciasta qoychej.

16Cristoj palabranqa sonqoykichejpipuni kachun. Qankunataj ujkuna ujkunawan yachachinakuychej, sonqochanakuspataj tukuy yachaywan. Señorta agradecekuychej tukuy sonqo salmoswan, himnoswan, Espirituman jina, takiykunawan ima. 17Tukuy ima ruwasqaykichejpi, ña parlaypi, ñataj ruwaypi, Señor Jesuspa sutimpi, paynejta Dios Tataman graciasta qoychej.

Familia ukhupi causanamanta

18Qosayoj warmis, qosasniykichejta kasuychej Señorpa munayninman jina. 19Jinallataj qosaspis warmisniykichejta munakuychej, amataj paykunawan sajras kaychejchu.

20Tata mamasniykichejta kasuychej tukuy imapi, imaraykuchus kayta Señorqa munan. 21Tatas, mamas, qankunapis ama wawasniykichejpa sonqosninkuta nanachiychejchu, ama waj jinayanankupaj.

22Kamachis, kay jallp'api uywaqesniykichejta tukuy imapi kasuychej. Amataj paykunaj rikunallankutachu, imaynatachus wakin runas allimpaj qhawasqa kanankupaj ruwanku jinataqa; astawanqa tukuy sonqowan Diosta manchachikuspa. 23-24Tukuy ima ruwanaykichejta tukuy sonqowan allinta ruwaychej, Señorpaj jina, ama runapaj jinaqa, yachaspa Señormanta aynita jina chayaqeta jap'inaykichejta. Qankunaqa Cristo Señorpa kamachisqanta ruwashankichej. 25Pichá sajrata ruwajqa, sajrallatataj jap'enqa, imaraykuchus Diosqa mana runaspa rijch'aynillantachu qhawan.

Currently Selected:

COLOSENSES 3: QCHSB

Highlight

Copy

Compare