2 JUAN 1
1
Cheqa munakuymanta
1Noqa kuraj runa escribimuni ajllasqa mamaman, wawasninman ima. Cheqamanta paykunata munakuni. Mana noqallachu munakuni, manachayqa, cheqa kajta tukuy rejsejkunapis munakullankutaj. 2Qankunata munakuykichej, sonqonchejpi kashan cheqa kajrayku, chaytaj wiñaypaj noqanchejwan kanqa. 3Qankunawan kachun yanapay, khuyakuy, sonqo tiyakuy, Dios Tatamanta, Tataj Churin Jesucristomantawan, cheqapi, munakuypi ima.
4Maytapuni kusikorqani wakin wawasniykita cheqapi purejta rikuspa, Dios Tataj kamachisqanta jap'isqanchejman jina. 5Kunanqa mana yuyarichisuyta munanichu purajmanta munanakuna kasqanta. Kayqa mana mosoj kamachiychu, imaraykuchus chaytaqa qallariymantapachaña Diosmanta jap'erqanchej. 6Kaymin munakoyqa: Diospa kamachisqasninman jina purinanchej. Chay kamachiytaqa qallariymantapacha uyarerqankichej. Chaypi puriychej.
Ch'auka runas
7Ashkha pantachej runas kay pachaman rikhurimunku. Paykunaqa ninku Jesucristo mana aychapichu kay pachaman jamusqanta. Kayta nejqa pantachej, anticristotaj. 8Qankuna kikin qhawakuychej, llank'asqaykichej ama qhasi kanampaj, astawanqa, junt'asqa pagota jap'inaykichejpaj.
9Cristoj yachachiyninmanta llojsipojqa, manataj yachachiynimpi sayajqa, mana Diosniyojchu. Cristoj yachachiynimpi sayajrí, Dios Tatayoj, Churiyojtaj. 10Pillapis qankunaman jamuspa, mana chay yachachiyta apamojtenqa, ama wasiykichejpi jap'ikuychejchu, nitaj napaykuychejchu. 11Pillapis payta napaykojqa, sajra ruwanasninwan chajrukun.
Cartaj tukukuynin
12Ashkha imasraj tiyan escribimusunaypaj, manataj munanichu cartallapi escribimuyta. Parlarikoj munashani jamuyta kusikuyninchej junt'asqa kanampaj.
13Ajllasqa ñañaykej wawasnin napaykamusunku.
Currently Selected:
2 JUAN 1: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
