3 JUAN 1
1
Gayomanta allinta parlanku
1Noqa kuraj runa, may munasqa Gayoman escribimuni. Paytaqa cheqamanta munakuni.
2Munakusqáy, Diosmanta mañapuyki tukuy imapi allin risunampaj, walejllata, sanolla kakunaykipaj. 3Maytapuni kusikorqani, maypachachus hermanos jamuspa willawarqanku allinta kausakusqaykita, cheqapitaj purishasqaykita. 4Mana imapis astawan kusichiwanchu, wawasniy cheqapi purishasqankuta uyarisqaymantaqa.
5Munakusqáy, allinta ruwanki hermanosta yanapaspa, astawanqa waj llajtayojkunatapis. 6Chay hermanosqa munakuyniykimanta iglesiaman willarqanku. Sumaj kanman, ñampaj imallatapis paykunapaj churapuspa allinta kacharpayanayki, Diospa munayninman jina. 7Paykunaqa jamorqanku Jesucristoj sutinrayku, mana creejkunamanta ni ima yanapata jap'ispa. 8Chayrayku chay jina hermanostaqa wajyarinanchej tiyan ari, cheqa kajta ruwaysinanchejpaj.
Diotrefespa sajra ruwasqasnin
9Iglesiaman escriberqaniña. Paykuna ukhupitaj Diótrefes, kuraj atiyniyoj kayta munaspa, noqaykoj nisqaykutapis mana jap'iyta munanchu. 10Chayrayku noqa jamusaj chayqa, payta k'amisaj tukuy ruwasqasninmanta; noqaykupaj sajrata, llullatataj parlasqanmanta. Manataj chayllatachu ruwan, astawanqa chayamoj hermanosta mana wajyariyta munanchu. Wajyariyta munajkunatapis manallataj saqenchu; wajyarejkunatapis iglesiamanta qharqon.
11Munasqa hermano, ama sajra kajtaqa yachaqakuychu, astawanqa cheqa kajllata. Cheqa kajta ruwajqa, Diosmanta. Pichus sajrata ruwajrí, Diosta mana rejsinchu.
Demetrioj allin ruwasqasnin
12Demetriomanta tukuy allinta parlanku. Cheqa kajpis kikillantataj. Noqaykupis kikinta niyku; yachanki jina, willasqaykoqa cheqamin.
Carta tukukuynin
13Ashkharaj tiyapuwan escribimusunaypaj, manataj munanichu cartapi churamuyta. 14Chayrayku suyashani usqhayta rikusuyta. Chaypacha uyapura parlarikusun.
15Sonqo tiyakuy qanwan kachun. Kausaqesninchej imaynachus kashan nichimusunku. Qampis sapa uj kausaqeta napaykapuway.
Currently Selected:
3 JUAN 1: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.