2 CORINTIOS 13
13
Napaykuykunas
1Kunanwanqa kinsa kutitaña qankunata watukusqaykichej. Chaypitaj Tukuy ima yachakonqa iskay chayrí kinsa testigospa siminmanta. 2Ñaupajta nerqani, kunampis ujtawan nillanitaj chaypipis kashayman jina. Kunanqa karumanta escribimuni, ñaupajta juchallikojkunata, chay ujkunatapis, ujtawan jamuspaqa manaña paykunataqa khuyasajchu. 3Qankunaqa munashankichej yachayta Cristo parlasqanta noqanejta, manataj Cristoqa pisi kallpayojchu qankunapajqa; astawanqa qankunapi atiyninta rikuchin. 4Arí, pisi kallpayoj jina kashaspa chakatasqa karqa. Kunanqa kausashan Diospa atiyninrayku. Ajinallatataj ari, noqaykupis pay jina pisi kallpayoj kayku, paywantaj kausashayku Diospa atiynimpi qankunata yanapanaykupaj.
5Qankuna kikiykichej qhawarikuychej, yachanaykichejpaj fepi sinch'ichus kashankichej manachus chayta. Allinta qhawarikuychej. Manachu yachankichej Jesucristo qankunawan kasqanta? Manachayqa, qhesachasqas kankichej. 6Astawanqa munayman yachanaykichejta, noqaykoqa mana qhesachasqaschu kasqaykuta. 7Diosmantataj mañakuyku ama ima sajrata ruwanaykichejpaj. Manataj noqayku allinman rijch'asqas kanaykupajchu; astawanqa qankuna allinta ruwayta yachanaykichejpaj; manataj imananchu, noqayku qhesachasqa jina rikhurinaykoqa. 8Mana atiykuchu imallatapis cheqa kajpa contranta ruwayta, astawanqa cheqa kajllatapuni ruwasqayku. 9Chayrayku noqayku kusikuyku pisi kallpas kasqaykumanta, qankuna sinch'is kasqaykichejmantapis. Noqaykoqa Diosmanta mañallasqaykupuni allin kanaykichejpaj. 10Kay cartata escribimuykichej manaraj qankunajman jamushaspa, imaraykuchus mana munanichu, chaypi kashaspa qankunawan sinch'i kayta, Señor imaynatachus atiyta qowasqanman jina. Ajinata sayachinaypaj, manataj urmachinaypajchu.
11Kunanqa hermanos, kusikuychej, sumajta kausaychej, sonqo tiyakuypi uj yuyaylla kaychej, sonqo tiyakuypi kausakuychej, munakoj sonqo tiyachej Diostaj qankunawan kachun. 12Ujkuna ujkunawan napaykunakuychej llimphu much'aykuywan. 13Tukuy hermanos napaykamusunkichej.
14Señor Jesucristoj khuyakuynin, Diospa munakuynin, Santo Espíritoj ujchakuyninwan, tukuy qankunawan kachun. Amén.
Currently Selected:
2 CORINTIOS 13: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
