1 CORINTIOS 8

Lantikunaman jaywasqa mikhuykunas

1Lantikunaman mikhuna jaywasqasmanta tukuy yachanchej; chay yachaytaj qhasi mana kajta umata oqharichin; munakuyrí Espirituman jina wiñachin. 2Pillapis yuyanman imatapis yachasqanta chayqa, manaraj imatapis yachanchu, imaynatachus yachananta. 3Sichus mayqempis Diosta munakunman chayqa, Diospis payta rejsin.

4Chay mikhunata lantikunaman jaywasqamantaqa, yachanchej jina, lanteqa mana imachu kay pachapeqa. Yachallanchejtaj uj k'ata Dioslla kasqanta. 5Kachunkupis dioskuna nisqa cielopi, chayrí jallp'a patapipis ashkha dioskuna, ashkha kamachejkunapis. 6Noqanchejpajqa uj Dioslla, Tatanchej. Paymanta tukuy ima jamun, noqanchejtaj paypata kanchej; uj kamachejlla, chaytaj Jesucristo. Paynejtataj tukuy imas ruwasqas kanku. Noqanchejpis paynejta kanchej.

7Manataj tukuychu yachanku kaykunasta; wakenqa kunankama yachasqas kanku lantikunaman jaywasqa mikhunaman, concienciankutaj pisi kallpayoj kaspa ch'ichichakun. 8Chaywampis, mikhunaqa mana aswan allimpajchu Dioswan qhawachiwanchej; mana mikhuspaqa, mana pisichu kasunchej, nitaj mikhuspapis, astawanchu kasunchej. 9Kunanqa allinta qhawarikuychej, libre kasqaykichejqa ama misk'ana jinachu kachun pisi feniyojkunapaj. 10Pillapis qanta rikusunkiman mesapi mikhushajta, yachayniyoj kashaspa lantikunaj wasimpi chayqa, manachu chay pisi feniyoj qanta rikuspa mikhullanqataj lantikunaman jaywasqata? 11Qampa yachayniykirayku pisi feniyoj hermanoqa chinkaponqa, piraykuchus Cristo wañorqa. 12Ajinamanta ari, hermanospa contranta juchallispa, pisi feniyojpa sonqonta nanachispataj, Cristoj contrampi juchallinkichej. 13Chayrayku lantiman jaywasqata mikhusqaychus hermanoyta misk'achinman chayqa, mana jayk'ajpis aychata mikhusajchu, hermanoyta ama misk'achinaypaj.

Currently Selected:

1 CORINTIOS 8: QCHSB

Highlight

Copy

Compare