1 CORINTIOS 16
16
Hermanospaj qolqeta tantanku
1Hermanospaj qolqe tantanataqa, qankunapis ruwaychu, imaynatachus Galacia iglesiaspi yachacherqani ajinata. 2Sapa semanaj ñaupaj p'unchaynimpi, sapa ujniykichej t'aqaychej mashkhallatapis kapususqaykichejman jina. Chaytataj waqaychaychej. Chayamojtiytaj amaña qolqeta tantankichejchu. 3Noqataj chayamuspa, chay pikunatachus ajllankichej cartasta qospa, chaykunawan Jerusalenman apachisaj qolqe qosqaykichejta, jaqaypi hermanosman jaywamunankupaj. 4Noqapis imaynamanta rinay allin kanman chayqa, paykuna noqawan renqanku.
Pablo wakichikun puririnampaj
5Jamuspaqa Macedonianta jamusaj, imaraykuchus Macedoniantapuni jamunay kashan. 6Ichapis qankunawan qhepakusaj, chiri pasanan p'unchaykama; chantá qankuna yanapawankichej maymanchus puririnayta. 7Mana usqhayta rej jinallachu rikuyta munaykichej; astawanqa suyashani qankunawan kayta uj mashkha unayllatapis, Señor munajtenqa. 8Chaywampis Efesopi qhepakusaj Pentecostés p'unchaykama. 9Sumaj jatun punku kicharikuwan llank'anaypaj jina, Señorpa ruwanampi. Chaywampis, ashkha chejniwajkuna kanku.
10Timoteo chayamonqa chayqa allinta yanapaychej, pay qankuna ukhupi kusisqa kanampaj ama manchachikuspa. Paypis noqa jinallataj Señorpa ruwanampi llank'an. 11Chayrayku, ama pipis paytaqa pisipi qhawachunchu; astawanqa purimojtin yanapaychej tukuy sonqo, noqata watukoj jamojtenqa. Payta suyashani hermanoswan.
12Hermano Apolostaqa maytapuni nerqani hermanoswan qankunata watukoj jamunampaj. Kunanraykoqa mana jamuyta munarqachu. Chaywampis, atikojtenqa jamonqa.
Pablo hermanosta napaykun
13Ama puñuspa mañakuychej, sinch'i kaychej feniykichejpi, qhari jinataj kaychej kallpachakuspa. 14Tukuy imasniykichej ruwasqa kachun munakuywan.
15Hermanos, yachankichejña ayllusnenqa kasqankuta Estefanaspa ayllun. Ñaupaj creejkuna Acayamanta kanku. Kunan paykunaqa fepi hermanosta yanapanku. 16Noqa mañakuykichej chay jina runastaqa, yanapajkunatawan, llank'ajkunatawan kasunaykichejta.
17Kusikuni jamusqankumanta Estéfanas, Fortunato, Acaico ima. Ripunaykichejkama paykuna ruwaysishawayku. 18Paykunaqa espirituyta kallpacharqanku, jinallataj qankunajtapis. Paykuna jina runastaqa sumajta qhawanaykichej tiyan.
19Asiapi kaj iglesiasqa ashkhata napaykamusunkichej Aquilawan, Priscilawan. Wasimpi kaj iglesiapis, anchatapuni napaykamusunkichej Señorpi. 20Tukuynin hermanos napaykamusunkichej; qankunapis ujkuna ujkunawan napaykunakuychej, llimphu kaj much'aykuywan.
21Noqa Pablo, kikin makiywan escribimuspa napaykamuykichej.
22Pichus Señor Jesucristota mana munakojqa, maldicisqa kachun. Señor jamushanña.
23Señor Jesucristoj khuyakuynin qankunawan kachun. 24Cristo Jesuspi noqaj munakuyniy, tukuy qankunawan kachun. Amén.
Currently Selected:
1 CORINTIOS 16: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
