Èhàwo 95
95
Do jìjɔɛ be àpa lè Tɔhonɔ̀ be ŋùkɔ̀
1Oò mì va! Mì na mia jì jìjɔɛ be èhà na Tɔhonɔ̀.
Mia do jìjɔɛ be àpa na miabe àkpã sɛ̃sɛ̃, mia hlùɛ̃tɔa.
2Mì na mia to ɖo yebe ŋùku mè
kudo àkpedodo be èhàwo,
ne mia gbà jì jìjɔɛ be èhà viviwo na ɛ̀.
3Ɖo Tɔhonɔ̀ nyi Mawu gã ɖe,
gbà nyi Èfìɔ gã ɖe, pòta na vòduwo keŋu.
4E ye nyi àmè kè simè ye ànyigbã a be ègũwɔ̀pewo lè:
èkɔ̃wo be àɖɔ̀mè cã nyi e tɔ̀.
5Àpùa nyi e tɔ̀, e ye ɖo è;
yebe àlɔ̀ ye wɔ̀ ànyigbã pupuia.
6Aò mì va, ne mia blìbɔ̀, gbà ɖèkɔ,
ne mia jèklò lè Tɔhonɔ̀ miabe èsɛ be ŋùmè.
7Ɖo e nyi miabe Mawu, mi nyi yebe ègbegbàjimewo
gbà le nyi ègbɔ kèwo ye ŋutɔ le kplɔ̀a.
Egbè, ne mì la teŋu sè yebe ègbèa:
8“Mì mu gbà trì èjì sìgbè àlekè
mìa tɔgbewo wɔ̀ ɛ̀ lè zògbèa ji nène,
lè Meribà kudo Masà nène ò.
9Gà ŋua mè kè wo tè mù kpɔa,
wo nya mù eye wo gbà kpɔ àpe wɔ̀wɔwo.
10Èpè èkà ɖɔɖɔ ye àpe àdɔ̀mèze blù ɖo jɔ̀jɔ kèa ŋuti,
eye mù gblɔ̃ be: “Dùkɔ̃ kèa dàlɛ̀,
Àmè kèawo dã àpe èmɔ̃wo.
11Àmè kèwo mù kã àtãŋu na lè àpe àdɔ̀mèze mè
be wo mu la ɖota àpe jɛ̃gbɔ̃pe ò.”
Currently Selected:
Èhàwo 95: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
