Èhàwo 96
96
Èhà yeye na Tɔhonɔ̀ kè gbãnàa
1Mì jì èhà yeye na Tɔhonɔ̀,
mì ànyigbã jitɔwo kpata mì jì èhà na Tɔhonɔ̀.
2Mì jì èhà na Tɔhonɔ̀, mì do àkpe be e nyi mìabe Mawu.
Mì nɔ gblɔ̃ gbè sia gbè be e ye nyi mìabe hlùɛ̃tɔ.
3Mì ɖè yebe gogoa fiɔ dùkɔ̃wo kpata,
mì gblɔ̃ yebe ŋùdãnu gãgãwo lè xixea keŋu mè.
4Ɛ̃ɛ, Tɔhonɔ̀ lòlò eye e sù ne woa kafu ì ŋutɔ-ŋutɔ.
Sisi lè e ŋuti wu vòduwo kpata.
5Ɖo dùkɔ̃wo be vòduwo kpata nyi ènu gbalo.
Vɔ̀, Tɔhonɔ̀ ye ɖo jiŋùkusi.
6Yebe ŋùkumè le klɛ̃ ku bùbu kudo nyiɖìɖi.
Ŋusɛ̃ ku àcɔ lè yebe àdoa mè.
7Oò mìa dùkɔ̃wo kpata,
mì sɔ gogo kudo bùbu na Tɔhonɔ̀.
8Mì na gogo Tɔhonɔ̀ ɖo yebe nyikɔ ŋuti.
Mì hɛ̃ ènunanawo ɖo àsi va yebe àgbàsa mè.
9Mì sɛ̃ Tɔhonɔ̀ lè àdo ɖìnyi mè;
mìa ànyigbãwo kpata, vɔ̃vɔ̃ ne ɖo mì lè ŋùkɔ̀ na ɛ̀.
10Mì gblɔ̃ lè dùkɔ̃wo dòmè be:
“Tɔhonɔ̀ ɖùfìɔ, ɛ̃ɛ xixea cã likè
eye mu la teŋu hùã ò.
Tɔhonɔ̀ mu la do vòvòtoto dùkɔ̃wo dòmè ò.”
11Na jiŋùkusi ne jɔ̀jì, na ànyigbã ne ɖu jìjɔɛ be èwè,
na àpù ne ɖègbè kudo yebe ènu xɔ̀asì kèwo lè e mèa.
12Na àgblè ne nɔ̀ jìjɔɛ mè kudo ènu kèwo keŋu lè e mèa.
Eye àvemètiwo kpata ne mlã,
13lè ŋùkɔ̀ na Tɔhonɔ̀, ɖo e gbãnà.
Ɛ̃ɛ, e gbãnà la va ɖokòjo ku ànyigbã a.
E la ɖokòjo ku xixea lè jɔ̀jɔɛ mè,
e la ɖokòjo ku dùkɔ̃wo lè nyàwo mè.
Currently Selected:
Èhàwo 96: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
