Èhàwo 9
9
Mawu nyi ètabèpe na ènuwɔ̀donɔ̀
1David be Èhà kè wo ɖè lè hàsìnɔ̀ gã be xoma mè. Wo la pò èhàjìnuwo bɔ̀ ɖo e ŋuti.
2Tɔhonɔ̀, mù le do àkpe na wò so kaka èjì mè ke,
mù la ɖègbèfã àpo ŋùdãdɔ jɔ̀ àsuawo kpata.
3Mu la ɖu jìjɔɛ be èwè ɖo ŋuti wò
eye mù la pò mlã àpo nyikɔ, aò! Mawu èji hũitɔa.
4Àpe kɛ̃tɔwo le yì ŋùgbe, wo mu gbà ɖo èkèlili ò
eye wo le crɔ̃ lè ŋùkɔ̀ na wò.
5Ɖo wò nɔ̀ ànyi ɖo fìɔzìkpe wòa ji le sò jɔ̀jɔɛ,
wɔ̀ kpɔ be àpe ènyà jɔ̀ eye wò xɔ̀ ènyà ɖo èta nyè.
6Wò tùkù dùkɔ̃wo, wò crɔ̃ àmè bàɖàwo,
eye wò tutu woabe nyikɔwo gbidi.
7Kɛ̃tɔawo crɔ̃ keŋu, woabe ŋùɖowo bu!
Wò crɔ̃ woabe èdùwo, wo mu gbà nya woabe nyikɔ cã tètè ò.
8Vɔ̀, Tɔhonɔ̀ ɖùfìɔ kaka sɔyì.
E li yebe èfìɔzìkpea na jɔ̀jɔɛsòso.
9E ye le kplɔ̀ xixea lè jɔ̀jɔɛsòso mè,
mu dona vòvòtoto dùkɔ̃wo dòmè ò.
10Tɔhonɔ̀ nyi ètabèpe na àmè kèwo ji màjɔ̀ màjɔ sòso le ɖùawo,
e cɔ̃na woa ji lè gbledo mè.
11Àmè kèwo jèsi nyikɔ wòa, la dojì ɖo ŋuti wò.
Tɔhonɔ̀, wò mu ɖènàkɔ̀ lè àmè kè le ji wòa ŋuti kpɔ ò.
12Mì jì kafu hàwo na Tɔhonɔ̀,
e ɖo yebe fìɔɖùpe ɖo Ziɔ̀n.
Mì ɖè yebe wɔ̀wɔwo fiɔ lè dùkɔ̃wo dòmè.
13E tĩna èhlɔ̃dãtɔwo yomè,
e ɖona ŋùku àmè kèwo wo wùa.
Mu ŋlɔ̀nàbe ènuwɔ̀donɔ̀wo be àpa dodo ò.
14Ku ŋuzĩzĩ na mù Tɔhonɔ̀!
Kpɔɖa, àyà nyèa le so àmè kèwo crì mù a gbɔ.
Xɔ̀ mù lè èku si.
15Nène a, mù la ɖè ènu kè ŋuti ye
mù le jì kafu-hawo na wò ɖoa,
fiɔ lè Yèruzàlɛmviwo dòmè.
16Dùkɔ̃wo gɛ̃ jè èdo kè wo kùa mè,
woabe àfɔ̀wo jè èmɔ̃ kè wo trea mè.
17Tɔhonɔ̀ ɖè ye ɖokoe fiɔ, e le yebe jɔ̀jɔɛsòso ɖotè:
E na be àmè bàɖàwo jè woa ŋutɔ be èmɔ̃ kè wo trea mè.
18Dùkɔ̃ kèwo ŋlɔ̀be Mawu a
kudo àmè bàɖàwo ne kpɔ nɔ̀pe lè èkuwode.
19Aò, Mawu mu la ŋlɔ̀be ènuwɔ̀donɔ̀wo kpɔ ò,
ŋùɖo mu la bu na wɔ̀amènɔ̀ ò.
20Sitè, Tɔhonɔ̀, ne àgbètɔwo mu gbà nyi ŋusɛ̃tɔwo ò!
Ne woa ɖokòjo na dùkɔ̃wo lè ŋùkɔ̀ na wò!
21Do vɔ̃vɔ̃ na wo, Tɔhonɔ̀!
Nène a, wo la sè e mè be: “Àgbètɔ kpò yèwo nyi.”
Currently Selected:
Èhàwo 9: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
