Èhàwo 8
8
Àgbètɔ, Mawu be ènuɖoɖowo be jègbà
1David be Èhà kè wo ɖè lè hàsìnɔ̀ gã be xoma mèa; wo la jì ì kudo Gatviwo be èkàsãŋùgu.
2Tɔhonɔ̀ miabe Mawu,
àpo nyikɔ nyɔ glo lè xixea kpata mè.
Àpo gogoa to xixea be gogo ŋuti.
3Ɖèvi kèwo lè ànɔ nu a kudo vifɛ̃ hũkɔ̃ɛ̃wo be ènu mè ye
wò ɖè àpo ŋusɛ̃ fiɔ lè kɛ̃tɔ wòwo be ŋùkɔ̀.
Nène a ye wò na àmè kèwo sitè ɖo ŋuti wòa be àdɔ̃ jègũ.
4Mù ɖè ŋùku kpɔ jiŋùkusi, ènu kèwo àpo àlɔ̀ wɔ̀awo,
wètri ku wètrivi kèwo wò ɖo ɖo woabe dɛnua,
5eye mù biɔ ɖokoe nyè sè be:
“Nukɛ ye àgbètɔ nyi ye wò bùnà yebe èta mè ò?
Nukɛ ye àgbètɔ be èvi nyi ye wò lenabè na ɛ̀ ò?
6Co, e kpɔ̀tɔ̀ viɖe ne wòa ɖo è sìgbè àpo àtikplɔtɔwo ke nène,
eye wò sɔ gogo kudo bùbu sɔ cɔ̃ na ɛ̀.
7Wò na ɛ̀ ŋusɛ̃ ɖo àpo àlɔ̀nudɔwo ji,
wò sɔ ènuwo kpata ɖo e gɔ̃mè:
8Ègbɔwo, àlɛ̃wo ku ènyìwo kpata,
kaka jè ègbemèlãwo ji.
9Àyamè xèviwo kudo àpù mè be èlãwo
gbàkudo ènu ɖoɖo ɖekpekpe kè zɔ̃nà lè àpù mèa.
10Tɔhonɔ̀, mia Petɔ,
àpo nyikɔ nyɔ glo lè xixea kpata mè!
Currently Selected:
Èhàwo 8: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
