Èhàwo 10
10
Tɔhonɔ̀, xɔ̀ ŋusɛ̃ lè àmè bàɖàa si
1Tɔhonɔ̀, wò yì lè àzɔ̀ge boo!
Nukɛŋuti ye wò yì wla ɖokoe wò lè gbledo be hùenu ɖo ò?
2Àmè bàɖà kpɔ̀tɔ̀ le do àyà na ènuwɔ̀donɔ̀wo.
E kpɔ̀tɔ̀ le tre èmɔ̃ na wo eye wo le jè e mè.
3E ɖɔ kudo èjro bàɖàwo eye e kpɔna jìjɔɛ so woa ŋuti.
E le sɛ̃kpɛ̃ gbà kò Tɔhonɔ̀, ɖo, ènuwo le zɔ̃ sùu na ɛ̀. 4Lè yebe ègòyiyi mèa, mu gbà biɔna ènyà ye ɖokoe sè ò.
E susuna kpò be: “Mawu mu ɖo ŋusɛ̃ ɖekpe ò.”
5Yebe èdɔwo zɔ̃nà sù na ɛ̀.
Mawu mu sɔna èse ɖe sɔ pònà ɛ̀ ò.
E ŋɛ̃na àŋɔ̀nimè#10.5 Wo gblɔ̃ lè xoma buwo mè be “E crɔ̃na yebe kɛ̃tɔwo sìgbè àlekè àya kplɔ̀nà ènu yìnàa nène” na yebe kɛ̃tɔwo kpata.
6E gblɔ̃ lè ye ɖokoe mè be: “Nyè mu la teŋu jè ànyi ò,
sukpa ɖekpe mu la jɔ̀ ɖo ji nyè ò!”
7Yebe ènu mè ɖɔ ku kpɛ̃sɛ̃, àjè kudo èdrã,
àhovì ku ènu bàɖàwo ye lè àɖe ji na ɛ̀.
8E dona èxa na àmèwo lè kɔpewo xa,
e wùnà èɖemànyatɔ lè bèbe mè.
E ɖènà ŋùku tɔ wɔ̀amènɔ̀wo.
9E le doxa sìgbè jãŋùta nène lè yebe bèpea.
E lè àlɔ̀ji la le wɔ̀amènɔ̀a.
E la kplɔ̀ ɛ̀ ɖɔ̀ɖɔ̀ kaka be la jè èmɔ̃ kè e tre na ɛ̀a mè.
10Àmè kè mu likè òa, jènà ànyi.
Eye e ɖikina ɛ̀ ɖo e gɛ̃ jè àmè bàɖà be ŋusɛ̃ gɔ̃mè.
11E gblɔ̃ lè ye ɖokoe mè be:
“Mawu ŋlɔ̀be, mu le ji ènu ɖekpe la nya ò.
Mu kpɔna ènu ɖekpe gbèɖe ò.”
12Tɔhonɔ̀ sitè, Mawu ɖè àpo kãlì be àbɔ a fiɔ.
Mù gbà ŋlɔ̀be ènuwɔ̀donɔ̀wo ò.
13Nukɛŋuti ye àmè bàɖà kònà Mawu ɖo ò?
E gblɔ̃nà lè ye ɖokoe mè be:
“Mawu mu la biɔ mù àkɔ̃ŋùta ò”.
14Vɔ̀, èwò Mawu, wò nya ènuwo kpata.
Wò le kpɔ ènuwɔ̀donɔ̀wo kudo àmè kèwo le ɖùayà.
Wo lè àpo àlɔ̀ mè. Ènuwɔ̀donɔ̀ be ŋùɖo lè èji wò,
eye èwò ye hlùɛ̃nà ècɔɛvi gã.
15Crɔ̃ àmè bàɖà be ŋusɛ̃a, dɔ̃ èto na àmènyrãku
kaka ne bèa nɔ̀tè ènuvuɛ̃ wɔ̀wɔ.
16Tɔhonɔ̀ ye nyi èfìɔ kpà kaka sɔ yì,
wo crɔ̃ dùkɔ̃wo lè yebe ànyigbã ji.
17Tɔhonɔ̀, wò ɖoto sè àmè gbɔjɔɛwo be èjro,
wò dona wo ŋusɛ̃, wò ɖona èto wo.
18Wò sò jɔ̀jɔɛ na ècɔɛviwo, na àmè kè wo zĩ ɖo ànyi a.
Nène a, àmè ɖe mu la gbà do vɔ̃vɔ̃ na nɔ̀via gbèɖe ò.
Currently Selected:
Èhàwo 10: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
