Èhàwo 82
82
Mawu, kòjosɔ̀tɔ nyuɛ̃a
1Àsaf be Èhà Mawu le ɖùfìɔ lè jiŋùkusi#82.1 Jiŋùkusi be èhabɔ̀bɔa: Lè xoma buwo mèa, wo gblɔ̃ be: “Mawu le ɖùfìɔ lè mawuwo be èhabɔ̀bɔa nu”. Ènu kèwo mi yɔ be vòduwoa ku xixea be ɖotɔ a, wo ɖo nyikɔ ɖèka: “mawu”. be èhabɔ̀bɔa nu.
E le ɖo kòjo lè kòjoɖotɔwo dòmè le gblɔ̃ be:
2“Kaka na gà kɛ mè ye mì la kpɔ̀tɔ̀ nɔ ɖo kòjo gɔ̃glɔ̃,
la nɔ sò jɔ̀jɔɛ na àmè kè jè àgɔ̀a ò? Ènu bɔ̀ kpoo
3Mì nyi kòjoɖotɔ jɔ̀jɔɛwo na àmè gbɔjɔwo ku cɔɛviwo.
Mì nɔ sò ènyà jɔ̀jɔɛ na wɔ̀amènɔ̀wo ku àmè kèwo wo le tɛ ɖo ètoa.
4Mì ɖè ègà àmè kèwo gbɔjɔwo ku èhiãnɔ̀wo.
Eye mì jo wo lè àmè vuɛ̃wo si.
5Vɔ̀a, wo mu le nya ènu ɖekpe ò,
eye wo mu le sè ènu ɖekpe gɔ̃mè ò.
Eye wo le dã lè vìvìti mè.
Ekèa na be ànyigbã a be dodoewo keŋu le hũhũ.
6Mù le gblɔ̃ be: Mì nyi mawuwo,
Èjihũitɔa be èviwo ye mìa keŋu, mì nyi.
7Vɔ̀a mì la ku kpò sìgbè àgbètɔwo nène.
Mì la jè ànyi kpò sìgbè àleke kplɔ̀tɔ ɖekpe jènà ànyi a nène.”
8Aò Mawu! Sitè, ne wòa ɖo kòjo na xixea.
Ɖoa, dùkɔ̃wo keŋu nyi àpo ècrɔ̃nu.
Currently Selected:
Èhàwo 82: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
