Èhàwo 83
83
Oò Mawu, mù gbà bɔ̀nu ò!
1Àsaf be Èhà.
2Aò Mawu, mù gbà bɔ̀nu ɖɛ kpo ò.
Aò Mawu, mù gbà nɔ̀ kpo,
ne wòa zĩ tototo ò.
3Kpɔ àleke kɛ̃tɔ wòwo tɔ̀zĩ ɖa!
Àmè kèwo crì wòawo le kɔ èta yì ji.
4Wo sɔ àyè le bla èse ɖo dùkɔ̃ wòa ŋuti.
Wo le bla èse ɖo àpo lɔ̃lɔ̃tɔwo ŋuti.
5Wo le gblɔ̃ be: “Mì va, mia crɔ̃ woabe dùkɔ̃a.
Àleke be Izràɛl dùkɔ̃a be nyikɔ ne bu gbidi-gbidi!”
6Wo ɖo ègbè èdu, bla èse
ne woa wɔ̀ ɖèka ɖo ŋuti wò.
7Edɔ̀m be àxuea ku Ismàɛl be àxuea,
Mòab be èviwo ku Hagàr be jìjimèviwo.
8Gebàlviwo, Amɔ̀nviwo, Àmàlɛkviwo,
Filistìtɔwo ku Tirò be èdùmètɔwo.
9Àsirìtɔwo ŋutɔ cã va bɔ̀ ɖo woa ŋuti,
àleke be woa kpli àsi, sɔ na àlɔ̀do Lɔt be jìjimèviwo. Ènu bɔ̀ kpoo
10Wɔ̀ ènu kè wò wɔ̀ ku Madìantɔwoa, ènu kè wò wɔ̀ ku Siseràtɔwoa
ekè wò wɔ̀ ku Yavìntɔwo lè Kicɔ̀n be tãkua toa, ku wo.
11Wo crɔ̃ lè Eìn-dɔr. Eye wo trɔ zũ ɖiɖɔɛ lè ànyigbã ji.
12Wɔ̀ ènu kè wò wɔ̀ na Orɛ̀n ku Zɛb na woabe àmègãwo.
Ne wòa wɔ̀ ekè wò wɔ̀ na Zebà ku Zalmunàa na woabe kplɔ̀tɔwo keŋu.
13Ɖoa, woawo ye gblɔ̃ be:
“Mia xɔ̀ Mawu be nɔ̀pewo wɔ̀ mia tɔ̀!”
14Mawu nyè, na woa nɔ tro,
sìgbè èko pupu, lè àya nu nène.
15Sìgbè àleke èzò fiɔ̃na àve nène,
eye èzò be àɖe bìnà ètowo nènea,
16sɔ àya gblenu wòa nyà wo ɖonu.
Eye woa sɔ àya wɔ̀adã wòa do vɔ̃vɔ̃ na wo!
17Sɔ ŋùkpɛ̃ cɔ̃ ŋùmè na wo
àleke be, Tɔhonɔ̀, woa ji àpo nyikɔ!
18Àdìka ne sò wo kaka sɔ yì, ne woa ɖìgbɔ.
Eye èŋù ne kpɛ̃ wo kaka ne woa crɔ̃.
19Na ne woa nya be èwò kè be nyikɔ nyi Tɔhonɔ̀a,
èwò ɖèka kpò ye nyi Èjihũitɔa, eye èwò kpò
ye ɖo ŋusɛ̃ ɖo xixea kpata ji!
Currently Selected:
Èhàwo 83: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
