Èhàwo 81
81
Ne dùkɔ̃ nyè ɖo èto mù a…
1Hàsìnɔ̀ gãa be Èhà. Àsaf be Èhà. Wo la jì ì ɖo Gatviwo be kafu-ha be ègbè ɖìɖi ji.
2Mì sò àyo sɔ kafu Mawu kè nyi miabe ŋusɛ̃a,
mì do jìjɔɛ be àpa sɔ mlã Yakɔb be Mawu a.
3Mì tɔ èhũ ku àsihũviwo pòpo,
èhɛ ku kàsãŋùguwo ne ɖì kudo èhàgbè viviwo.
4Mì ku èzè lè wètri yeyea ji, wàlɛbɛ kè wètri jè àve ji,
lè mìabe jìjɔɛ-zã gbèa.
5Ɖoa, ekèa nyi èse na Izràɛlviwo,
Èse kè Yakɔb be Mawu a do a yeŋu.
6Ɖoɖo kè be do àsi na Yosɛ̀f be jìjimèviwo,
wàlɛbɛ kè be to, kpã ŋùkɔ̀ Ejiptè be dùkɔ̃a:
Wàlɛbɛ kè mi sè ègbè kè gɔ̃mè mi mu sè òa be:
7“Mù ɖiɖi àgbãa jo lè yebe àbɔta,
eye yebe àlɔ̀wo vò, jo lè àjàfi kpɛ̃kpɛ̃a ŋuti.
8Ekè wò fã yɔ mù, lè tùkaɖa mèa, mù xɔ̀ na wò.
Mù ɖo e ŋuti lè èji ɖè ègbè mè,
eye mù do wò kpɔ lè Meribà be èsìa to. Ènu bɔ̀ kpoo
9Dùkɔ̃ nyè, ɖo èto ne wòa sè: Mù la sìa wò, Izràɛl.
Ne wò lɔ̃ be yèa ɖo èto mù a.
10Vòdu bu ɖe mu la nɔ̀ dùkɔ̃ wòa dòmè ò.
Wò mu la do èta ègũ na àmèjro be vòdu ò.
11Ènyè ye nyi Tɔhonɔ̀, àpo Mawu,
kè kplɔ̀ wò to so Ejiptè be ànyigbã ji.
Biɔ mù ènu kè hiã wòa, ne ma na wò#81.11 Lè Hebrù-gbe mèa, wo gblɔ̃ be: “Kè ènu mè gã ɖe, mù la ɖɔ ɛ̀ na wò.
12Gãkea, dùkɔ̃ nyè mu ɖo èto àpe ègbè ò.
Izràɛlviwo mu lɔ̃ la bɔ̀bɔ̀ woa ɖokoe na mù ò.
13Ekèa ŋutia, mù gble wo ɖɛ ku woabe èjì tìtria.
Ne woa zɔ̃ ɖo woa ŋutɔwo be àɖàŋùɖèɖe ji.
14Ne dùkɔ̃ nyèa lɔ̃, ɖo èto mù a,
ne Izràɛlviwo lɔ̃, zɔ̃ ɖo àpe ègbè jia,
15mù kè zĩ àmè kèwo crì woa ɖo ànyi kaba ŋutɔ!
Mù la trɔ àlɔ̀ nyèwo kpã ŋùkɔ̀ woabe kɛ̃tɔwo.
16Àmè kèwo crì Tɔhonɔ̀a, la bɔ̀bɔ̀ woa ɖokoe, la nɔ kafu ì.
Eye Izràɛl la nɔ̀ ètomè fàfa mè kaka sɔ yì.
17Mù la nyì Izràɛlviwo ku èlù kè nyɔ wua,
eye be la nù àkpã-tomè be ànyisì, la ɖɔpò.
Currently Selected:
Èhàwo 81: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
