Èhàwo 67
67
Dùkɔ̃wo keŋu ne mlã wò!
1David be Èhà, na hàsìnɔ̀ gãa. Àkpedo-ha. Wo la pò èkàsãŋùgu ɖo ŋuti.
2Mawu ne ku ŋuzĩzĩ na mi, ne bèa tu sì na mi!
Ne na yebe ŋùmè ne klɛ̃ ɖo mia ji. Ènu bɔ̀ kpoo
3Àleke be woa jèsi àpo èmɔ̃wo lè ànyigbã ji.
Ne woa jèsi àpo hlùɛ̃gã lè màxɔ̀sètɔwo dòmè.
4Dùkɔ̃wo ne kafu wò, Oò Mawu!
Dùkɔ̃wo keŋu ne kafu wò!
5Màxɔ̀sètɔwo ne gli ku jìjɔɛ, ne woa jì èhà!
Ɖoa, jɔ̀jɔɛ ye wò sɔ nɔ̀nà dùkɔ̃wo nu,
eye wò kplɔ̀nà dùkɔ̃wo keŋu lè ànyigbã ji. Ènu bɔ̀ kpoo
6Dùkɔ̃wo ne kafu wò, Oò Mawu!
Dùkɔ̃wo keŋu ne kafu wò!
7Nène a, ànyigbã la na yebe nukuwo,
eye Mawu, miabe Mawu a la tu sì na mi!
8Mawu la tu sì na mi, eye àmè kèwo
lè ànyigbã be nukpòpewo keŋu la vɔ̃ ɛ̀!
Currently Selected:
Èhàwo 67: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
