Èhàwo 65
65
Mawu, wò jè na kafu!
1David be Èhà, lè hàsìnɔ̀ gã be xoma mè. Èhà.
2Kafu ye jè na wò, aò, Mawu kè lè Ziɔ̀n be èdùa mèa.
Eye èwò ye wo tuna àjɔ̀gbè be èfɛ̃ na.
3Èwò kè ɖona èto kuefãwoa,
èwò ye àgbètɔwo keŋu la va sɛ̃.
4Wàlɛbɛ kè èvuɛ̃wɔ̀wɔ ɖù mia jia,
èwò yaa, wò tutu miabe àgɔ̀jèjewo jo.
5Sìtume ye nyi àmè kè wò cã a,
dɔ̃ gogo ɖokoe wò, be ne va nɔ̀ àpo àxomèa!
Ènu nyuɛ̃ kèwo ye lè àpo àxue kɔ̀kɔ̀ɛa mèa,
nyɔna kèwo ye lè àpo sɛ̃pe kɔ̀kɔ̀ɛa mèa, le ɖɔpò na mi.
6Wò sɔna jɔ̀jɔɛwɔ̀wɔ nana mi to ènu jɔ̀ àsuwo mè.
Aò, miabe hlùɛ̃gã be Mawu!
Èwò ye nyi jìdo na ànyigbã bliboa,
kaka yì àpùwo be ènukpòpewo!
7Mawu kè sɔ àpo ŋusɛ̃ li ètowoa,
Mawu kè sɔ kãlìwɔ̀wɔ bla àlì jia,
8Mawu kè ɖona àsi àpùwo be àdãwɔ̀wɔ jia,
Mawu kè cina àsrɔ̀kewo be tùkaɖa wɔ̀wɔ nu,
Mawu kè fana dùkɔ̃wo be àglajèjewoa.
9Àpo ŋùdãdɔwo ɖona vɔ̃vɔ̃,
na dùkɔ̃ kèwo ye lè kaka dìdìpea,
wò ɖɔ èwèzɛ̃pe ku èwèɖoxɔ̀pewo ku àwuyaya!
10Wò va ji ànyigbã jitɔwo kpɔ.
Wò na wo èsì, wo nù.
Wò sɔ àdɔ̀kùnuwo tu sì na ànyigbã a,
Mawu be ètɔ̀sàsrawo ɖɔ,
ne woa na àgblèmè be ènukuwo dùkɔ̃wo.
Àlekea ye wò ɖo ànyigbã a.
11Wò wu èsì àgblèwo,
wò pò ànyigbã be èkpowo.
Wò na èji jà kɔ̀ ɖo woa ji, wo bɔ̀bɔ̀,
eye wò tu sì na ènukuawo.
12Wò sɔ ɖàgbèwɔ̀wɔ ɖo àcɔ na èpèa,
eye ènuwo keŋu le ji àmì lè àpo àfɔ̀topewo.
13Èlãnyìpe kèwo lè zògbè jia ɖɔ gbãgo,
ètokɔ̃ɛwo sɔ jìjɔɛ kpɔkpɔ wɔ̀ àwù do.
14Àlɛ̃gbɔwo ɖɔ ègbegbàjiwo,
bàlìwo sɔ èlù be àgblèwo ɖo àcɔ.
Eye woa keŋu le jì jìjɔɛ be èhà.
Currently Selected:
Èhàwo 65: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
