Èhàwo 64
64
Mawu ɖù àmègbletɔwo ji
1David be Èhà, na hàsìnɔ̀ gãa.
2Aò, Mawu, sè àpe ègbè, wàlɛbɛ kè mù le na àlea!
Hlùɛ̃ àpe àgbè gã, lè kɛ̃tɔ kè le do ŋùklɛ̃ na mù a si!
3Wla mù do àmè vuɛ̃ kè le doxa na mù lè bèbe mèa,
do àmè nyrãkuwo be àdìgbã dodoa.
4Àmè kèwo ye ɖa woabe àɖewo ɖɛ, sìgbè èwui nène;
àmè kèwo jrà woabe àɖi-nyàwo ɖo ɖɛ, sìgbè àŋùtuwoa.
5Ne woa dà kunùmea lè wawla mè.
Wo dànà ɛ̀ lè àvò mè, vɔ̃vɔ̃ mà-ɖo tɔ̀!
6Wo dona ŋusɛ̃ woa nɔ̀nɔwo lè ɖoɖo vuɛ̃wo mè.
Wo le gblɔ̃ be yèwo la tre èmɔ̃ lè àvìmè,
Be: “Àmè kɛ ye la kpɔ mi?”
7Wo le bla èse na ènu màjɔ̀-màjɔwo wɔ̀wɔ,
eye wo le gblɔ̃ be: “Ɛ̃ɛ, mi wɔ̀ ɖoɖo nyuɛ̃ ɖe ɖɛ ŋutɔ!”
Àgbètɔ be susu ku èjìmè gòglò ŋutɔ nyàwo!
8Gãkea, Mawu la dà wo àŋùti,
lè àvò mè! Eye wo la ci àgba.
9E la trɔ woa ŋutɔwo be àɖewo kpã ŋùkɔ̀ woa nɔ̀nɔwo.
Eye be la sɔ wo pu ànyi, àleke be àmè ɖekpekpe kè la kpɔ woa,
la hũhũ èta, sɔ kò wo.
10Vɔ̃vɔ̃ la jè àgbètɔ-xòmèa keŋu ji.
Wo la kãkã Mawu be ènyà, eye wo la dè ŋùgblè,
so ènu kèwo Mawu wɔ̀a ŋuti.
11Àmè jɔ̀jɔɛ ne kpɔ jìjɔɛ so Tɔhonɔ̀a ŋuti.
Ne sɔ Tohonɔ̀a wɔ̀ yebe bèbèpe,
àmè kèwo be èjì lè jɔ̀jɔɛa keŋu la kafu Tɔhonɔ̀!
Currently Selected:
Èhàwo 64: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
