Èhàwo 63
63
Àpo àdɔ̀mè nyuɛ̃ wɔ̀wɔ nyɔ wu àgbè
1David be Èhà, wàlɛbɛ kè be lè Yudà be ànyigbã a be zògbè jia.
2Aò, Mawu, èwò ye nyi àpe Mawu! Mù le ji wò!
Èsìkɔ le tì èkla nyè ɖo ŋuti wò.
Ŋutilã nyè le ji wò, kaka le srè,
sìgbè lè èkuɖìɖi be ànyigbã
kè ji èsì ɖekpe mu lè òa, ji nène.
3Ekèa ŋuti mù jro la kpɔ wò lè kɔ̀kɔ̀ɛpea,
la glò àpo ŋusɛ̃ ku àpo gogoa kpɔ.
4Ekè àpo ànùkua wɔ̀wɔ nyɔ wu àgbè bliboa,
ènuyu nyèwo la nɔ pòmlã àpo kàfù kafu.
5Nène a, mù la kafu wò lè àpe àgbèzãwo keŋu mè.
Eye, ne mù le fãkuea, mù la nɔ kɔ àlɔ̀ yì ji lè àpo nyikɔ mè.
6Èkla nyè la ɖɔpò, sìgbè e ɖù èlã be àmì ku èpu mè be àmì nène,
eye mù la sɔ jìjɔɛ be ènuyuwo kafu wò.
7Ne mù lè àpe àba jia, mù ɖonaŋù wò.
Eye mù dènà ŋùgblè so ŋuti wò, lè èzã gãa mè.
8Ɖo, èwò ye nyi àpe àlɔ̀do, eye mù jìnà jìjɔɛ be èhà,
ne mù bè ɖo àpo àwàwo gɔ̃mèa.
9Ne mù sɔ èkla nyè keŋu tɛ ɖo ŋuti wòa,
àpo àlɔ̀ sɛ̃sɛ̃ lena mù ɖotè.
10Vɔ̀a, àmè kèwo jro la ɖè àpe àgbèa la crɔ̃ keŋu-keŋu.
Kaka ànyigbã be ètùmè ke wo la yì!
11Èwui nu ke ye wo la ci!
Eye woabe àmèkpòtiwo la nyì wɛ̀tɛ̀klɛ̀wo!
12Vɔ̀a, èfìɔa yaa, la kpɔ jìjɔɛ lè Mawu mè.
Àmè kèwo keŋu sɔna Mawu be nyikɔ kãna àtãŋua, la kafu ì;
wàlɛbɛ kè wo la do ègà ènu na àjèɖàtɔwoa.
Currently Selected:
Èhàwo 63: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
