Èhàwo 61
61
E jro mù be ma nɔ̀ àxue wòa mè tɛ̀gbɛ̀
1David be Èhà, na hàsìnɔ̀ gãa. Wo la jì ì ku kàsãŋùgu.
2Aò Mawu, sè àpe àlenana!
Ɖo èto àpe kuefã!
3So kaka ànyigbã be nukpòpe ke ye mù le fã yɔ wò so,
wàlɛbɛ kè èjì nyè gbɔjɔa.
Kplɔ̀ mù yì àkpã kè yì ji, ye nyè mu la teŋu sù òa, ji.
4Ɖoa, èwò ye nyi àpe bèbèpe,
àgbògbò sɛ̃sɛ̃ kè gla mù, kpã ŋùkɔ̀ kɛ̃tɔa.
5Mù jro la nɔ̀ àpo kɔ̀kɔ̀ɛpea, kaka sɔ yì,
ne ma bè ɖo àpo àwàwo be wawlape. Ènu bɔ̀ kpoo
6Aò Mawu, ekè wò sè àpe àjɔ̀gbè fìãfiãa,
wò sɔ ècrɔ̃nu kè wò nana àmè kèwo sina wòa, do àsi na mù.
7Dà àzã ɖo èfìɔ be àgbènɔ̀-zãwo ji,
ne yebe àgbènɔ̀nɔ be èpèwo ne sùgbɔ ɖo ji.
8Ne ɖùfìɔ lè Mawu be ŋùmè kaka sɔ yì!
Sɔ màje ku ànùkua li ì ɖotè
9Eye mù la nɔ jì kafu-ha na àpo nyikɔ tɛ̀gbɛ̀.
Eye mù la nɔ na àjɔ̀gbè fìãfiã nyèa be ènu gbè sia gbè.
Currently Selected:
Èhàwo 61: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
