Èhàwo 6
6
Mù gbà dɔ̃to na mù lè àdɔ̀mèze mè ò
1David be Èhà kè wo ɖè lɛ̀ hàsìnɔ̀ gã be xoma a mè. Wo jìnà ɛ̀ kudo kàsãŋgu kè ɖo èkà ènyia.
2Tɔhonɔ̀ mù gbà gblehùɛ do mù lè àpo àdɔ̀mèze mè ò;
Àpe ènu to lè ŋùmè na wò, vɔ̀ mù gbà dɔ̃ èto na mù ò.
3Ku ŋuzĩzĩ na mù, Tɔhonɔ̀! Nyè mu gbà ɖo ŋusɛ̃ ò!
Dà èdɔ̀ na mù, Tɔhonɔ̀, ɖo àpe àmèti bliboa le pò tìtìtì.
4Mù ci jojojoe! Tɔhonɔ̀, mù gbà gble mù ɖɛ ò.
5Trɔva, Tɔhonɔ̀, hlùɛ̃ mù jro,
hlùɛ̃ mù gã ɖo àpo lɔ̃lɔ̃ a ŋuti.
6Àmè kuku ɖe mu la teŋu ɖo ŋùku èji wò lè èyɔ̀mè ò.
Lè funua, àkpe ɖe mu lè wo la do na wò ò.
7Àlenana tìkɔ̀ na mù.
Mù fãnà àvi pònà dɔ̃ba nyèa èzãsiazã,
àɖàsì nyèwo pò àba nyèa viɔ̃.
8Àpe ŋùkumè jo sĩ ɖo ènuxàxa ŋuti,
wo le tĩ yo nyè mè kaka nyè mu gbà le kpɔ ènu nyuɛ̃ ɖe ò.
9Mìa ènu bàɖàwɔ̀tɔwo kpata mì yì,
nyè mu gbà le ji la kpɔ mì ò.
Ɖo Tɔhonɔ̀ sè àpe àvigbea.
10Tɔhonɔ̀ sè àpe àpa dodo,
Tɔhonɔ̀ xɔ̀ àpe kuefã.
11Kɛ̃tɔ nyèwo kpata ne ɖɔ ku ŋùkpɛ̃,
vɔ̃vɔ̃ ne jè woa ji ne woa hũhũ;
Wo ne trɔ ŋùgbe-ŋùgbe zè ɖèka ku ŋùkpɛ̃!
Currently Selected:
Èhàwo 6: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
