Èhàwo 5
5
Tɔhonɔ̀ jɔ̀jɔɛtɔa, jɔ̀ mù
1David be Èhà, kè wo ɖè lè èhàsìnɔ̀ gã be xoma mè. Wo jìnà ɛ̀ kudo èkpɛ̃viwo.
2Tɔhonɔ̀, ɖo èto àpe ègbè,
dèŋùgblè so àpe àlenanawo ŋuti.
3Èfìɔ Mawu nyè, ɖo èto àpe àpa dodowo.
Tɔhonɔ̀, èwò ye mù le fã yɔ.
4So ŋùdekɛ̃nyɛ̃a, sè àpe ègbè.
Kaka ŋùdekɛ̃nyɛ fùtù ye mù jrà ɖokoe nyè ɖo na wò,
eye mù nɔ̀tè le kpɔ àpo àsinu.
5Wò mu nyi Mawu kè dona vìvi ɖo ènu bàɖà wɔ̀wɔ ŋuti ò.
Nuvuɛ̃wɔ̀tɔ mu kpɔna tèpe lè gbɔ wò ò.
6Gbèɖe, ègòyitɔ ɖekpe mu la nɔ̀tè lè ŋùkɔ̀ na wò ò.
Wò crì àmè nyrãkuwo keŋu.
7Wò crɔ̃na àjèɖàtɔwo.
Tɔhonɔ̀, wò crì fìãfì ku èhlɔ̃dãtɔwo.
8Vɔ̀ lè gbɔ nyèa, mù la teŋu gɛ̃ ɖo àpo àxuea mè to àpo lɔ̃lɔ̃ mè.
Kudo bùbu tɔ̀xɛ ye mù la do ènugũ lè àpo gòxɔ kɔ̀kɔ̀ɛa be ŋùkɔ̀.
9Tɔhonɔ̀, wò lè jɔ̀jɔɛ, jɔ̀ àpe àfɔ̀tope
ɖo àmè kèwo lè àjòha mè na mù a ŋuti.
Ɖè àfɔ̀klɛ̃nu kèwo lè èmɔ̃ kè wò le fiɔ mù a jiawo jo.
10Ɖo nyàwo ɖekpe mu lè ènu na wo ò:
Èhlɔ̃dãdãwo ye ɖɔ woabe èjì mè.
Woabe ènyàwo crɔ̃na àmè,
eye àmè bèble ɖèɖe ye lè woabe àɖewo ji.
11Mawu, ɖè è fiɔ be wo nyi àgɔ̀jètɔwo!
Woabe ɖoɖowo ne na be woa jè ànyi!
Ɖè wo to! Wo wɔ̀ ènu bàɖà sùgbɔ ɖo wo sitè ɖo ŋuti wò.
12Vɔ̀ àmè kè dojì ɖo ŋuti wòa, la nɔ̀ jìjɔɛ mè.
Yebe jìjɔɛa la nɔ̀ ànyi tɛ̀gbɛ̀, ɖo wò le cɔ̃ àsi e ji.
Àmè kè lɔ̃ wòa, la nɔ ɖu jìjɔɛ be èwè.
13Ɛ̃ɛ èwò Tɔhonɔ̀a, wò tuna èsì na àmè jɔ̀jɔɛ.
Àpo àdɔ̀mè nyuɛ̃ ye tɔ̃nàkpa do è sìgbè àkpoxɔ̀nu nène.
Currently Selected:
Èhàwo 5: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
