Èhàwo 57
57
Mù do àpa yɔ Mawu Jihũitɔa
(Hɛ̃hlɛ̃mè 8-12; Èhàw 108.2-6)
1David be Èhàlo kè wo ɖè lè Hàsìnɔ̀ gã be xoma mèa. Ɖo 'Mù gbà gble ènu ò!' Be ègbè ɖìɖi ji. Wàlɛbɛ kè David si lè Saolò nu, yì wla ɖo àkpã-do ɖe mèa.
2Ku ŋuzĩzĩ na mù! Aò Mawu, ku ŋuzĩzĩ na mù jro!
Ɖo gbɔ wò ye èkla nyè bè ɖo, àpo àwà bè vɔ̃vɔ̃lì gɔ̃mè ye mù wla ɖo,
kaka na àfɔ̀ku kèa be ènuwuwu.
3Mù le fã yɔ èjihũi be Mawu a,
mù le fã yɔ Mawu kè wɔ̀nà ènuwo keŋu na mù a.
4E la ɖo hlùɛ̃gã so jiŋùkusi ɖoɖa mù!
E la do ŋùkpɛ̃ àmè kèwo lè yo nyè mè ku àdãa. Ènu bɔ̀ kpoo
Mawu la ɖo yebe lɔ̃lɔ̃ ku ànùkuawɔ̀wɔ ɖoɖa.
5Mù lè jãŋùtawo dòmè.
Mù mlɔ̃ èlãwɔ̀adãwo dòmè,
àgbètɔ be èvi kèwo be àɖuwo dìdì, sìgbè èhuãwo nène,
kèwo be àɖewo wu èwui ɖaɖawo dòmè.
6Aò, Mawu! Gogo wò ne yì e ji lè jiŋùkusiwo keŋu!
Gogo wòa ne ɖù ànyigbã a keŋu ji!
7Wo ɖo èɖɔ ɖo èmɔ̃ ji na mù.
Wo zĩ èkla nyè ɖo ànyi,
wo kù èdo ɖo èmɔ̃ ji na mù.
Vɔ̀a, woa ŋutɔwo gɛ̃ jè e mè. Ènu bɔ̀ kpoo
8Kè èjì nyè jè e mèa, Aò Mawu!
Kè èjì nyè jè e mèa,
mù la jì kafu be èhà eye mù la pò sãŋùgu!
9Fɔ̃! Èkla nyè, fɔ̃!
Mì fɔ̃, sãŋùgu ku èhɛ, mì fɔ̃!
Ènyè ye la fɔ̃ ŋùkèkèa!
10Aò, Tɔhonɔ̀! Mù la kafu wò, lè dùkɔ̃wo dòmè!
Mù la jì èhà sɔ mlã wò, lè dùkɔ̃ pòpuwo dòmè!
11Ɖo, àpo ànùkuawɔ̀wɔ yì tɔ kaka jiŋùkusi,
eye àpo nyàwototo yì kɔ̀ ɖo kaka lilikpowo mè!
12Aò Mawu! Ɖè gogo wòa fiɔ lè jiŋùkusiwo keŋu!
Gogo wòa ne ɖù ànyigbã a keŋu ji!
Currently Selected:
Èhàwo 57: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
