Èhàwo 58
58
Mawu ɖe ɖona kòjo lè ànyigbã ji
1David be Èhàlo na hàsìnɔ̀ gãa. Ɖo “Mù gbà gble ènu ò!” Be ègbèdìɖi ji.
2Mìa ŋùkɔ̀nɔ̀tɔwo, mì tona nyàwo, ne mì le pò nùpoa?
Mì sònà ènyà jɔ̀jɔɛ, na àgbètɔ be èviwoa?
3Kpao! Mì nyana, vɔ̀, sònà ènyà gɔ̃glɔ̃.
Eye mì sɔ mìabe àlɔ̀wo wɔ̀ èhlɔ̃dãnuwo,
kãkã ɖo ànyigbã keŋu ji.
4Àmè vuɛ̃wo ɖè ɖovò, so jɔ̀jɔmè ke,
so kaka woa nɔ̀wo be àdɔ̀ mè ke.
Wo trã èmɔ̃, eye wo ɖànà àjè.
5Woabe àɖi lè sìgbè jàkpàtà be àɖi nène.
Wo kuna èto sìgbè èdã nène,
6ne wo mu gbà sè ègbè na kpajijewɔ̀tɔwo
kaka la sè kèwo bi lè kpajijewɔ̀wɔ mèawo tɔ̀ cã ò.
7Aò Mawu, ŋɛ̃ àɖu lè ènu mè na wo!
Tɔhonɔ̀, hɔ̃ èso na jãŋùta be èvi kèawo!
8Na ne woa gu, sìgbè, èsì kè kɔ̀ ɖo ànyi, eye be srà va yìa nène.
Ne wo ɖè àŋùtu toa, na ne woabe àŋùtiawo ne kpò.
9Na ne woa nɔ̀ sìgbè àbɔ̀bɔ kè
srènà ɖo yebe àde mè lè èmɔ̃ jia nène,
sìgbè èfu gɛ̃gɛ̃ nènea, èŋù mu gbà kè do wo ò!
10Gbɔ̀xue àklãŋùti be èzòa ne hìhà mìabe èzewoa,
ne wo lè mumu, àlo wo pu cã,
Mawu be àdɔ̀mèze gãa la kplɔ̀ wo jo!
11Àmè jɔ̀jɔɛwo la kpɔ jìjɔɛ, ne wo biɔ èhlɔ̃ na wo,
wàlɛbɛ kè wo la klɔ woabe àfɔ̀wo,
lè àmènyrãkuwo be èhũ mèa.
12Wàlɛbɛ ŋua ye àmèwo la gblɔ̃ be:
“Nyàwo, fɛ̃tu lè na àmè jɔ̀jɔɛwo!
Nyàwo, Mawu ɖe lè, kè ɖona kòjo,
lè ànyigbã jia!
Currently Selected:
Èhàwo 58: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
