Èhàwo 54
54
Àmè kè yomè wo tĩa be àpadodo
1David be Èhàlo kè wo ɖè lè Hàsìnɔ̀ gã be xoma mèa. Wo la pò èkàsãŋùgu ɖo e ŋuti. Ɖo David be ègbè do àsi ji. 2Wàlɛbɛ kè Zifìtɔwo yì gblɔ̃ na Saolò be: “David wla ɖo mia dòmè.”
3Aò, Mawu! Sɔ àpo nyikɔ hlùɛ̃ mù gã!
Sɔ àpo ŋusɛ̃ sò jɔ̀jɔɛ na mù!
4Aò, Mawu! Sè àpe kuefã! Ɖo èto àpe ènu mè be ènyàwo,
5Ɖoa, àmè nyrãkuwo kpe àhùa ku mù,
eye, ètamè sɛ̃tɔwo le ji àpe èku.
Wo mu kpɔ Mawu ɖo èmɔ̃ ɖe nu ò. Ènu bɔ̀ kpoo
6Kpɔɖa, Mawu ye nyi àpe àlɔ̀dotɔ.
Tɔhonɔ̀ ye le èkla nyè ɖo àsi.
7Ne ɖo èvuɛ̃ tèpe na àmè kèwo le ɖia mù a!
Lè àpo ànùkuawɔ̀wɔ mèa, crɔ̃ wo!
8Mù la sɔ èjì fàa, savɔ na wò.
Aò, Tɔhonɔ̀, mù la kafu nyikɔ wò, ɖoa e nyɔ!
9Tɔhonɔ̀ be nyikɔ ɖè mù lè èfũwo keŋu mè.
Eye mù le kpɔ kɛ̃tɔ nyèwo sìgbè ènu gbalo nène.
Currently Selected:
Èhàwo 54: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
