Èhàwo 53
53
Mawu sitè ɖo èzãnuɖùɖu ŋuti
(Èhàw 14)
1David be Èhàlo kè wo ɖè lè Hàsìnɔ̀ gã be xoma mèa, zɔ̃ ɖo “Màhalàt” be ègbè ɖìɖi ji. Ɖo David be ègbè do àsi ji.
2Hɔ̃viwo gblɔ̃nà lè woabe èjì mè be:
“Mawu ɖekpe mu lè ò!” Woabe èdɛ̃ nyìnyɔ̀,
eye wo wɔ̀nà ènu vlo nyɔŋuwo.
Woa dòmètɔ ɖekpe mu wɔ̀nà ènu nyuɛ̃ ò.
3Mawu ɖè ŋùku kpɔ àgbètɔ be èviwo, so jiŋùkusi,
be woa dòmètɔ ɖe nyana ènu, eye be jina Mawu mà a.
4Woa kpata, wo bu èmɔ̃,
eye wo wɔ̀ ɖèka le wɔ̀ ènu nyɔŋuwo.
Woa dòmètɔ ɖekpe mu wɔ̀nà ènu nyuɛ̃ ò.
Àmè ɖèka tigɔ̃ ŋutɔ cã mu lè ò.
5Ènu bàɖà wɔ̀tɔ kèawo, àmè kèwo le tafu dùkɔ̃ nyèa,
sìgbè àlekè wo ɖùnà kpɔ̃nɔ nène,
eye wo mu sɛ̃nà Mawu òa, wo mu nya ènu kèawo òa?
6Vɔ̃vɔ̃ gã ɖe ye jè woa ji ŋua, lè àfi kè àdìka sò àmè mu lè òa!
Ɖoa Mawu kãkã àmè kèwo sitè ɖo yebe dùkɔ̃a ŋutia be èpuwo hlɛ̃.
Wo do ŋùkpɛ̃ wo, ɖoa Mawu crì wo.
7Àmè kɛ ye la na jiɖùɖu Izràɛlviwo so kaka Ziɔ̀n ke ò?
Wàlɛbɛ kè Mawu la kplɔ̀ yebe dùkɔ̃ be àhùalewo gbɔ̀a,
Yakɔb be jìjimèviwo ne kpɔ jìjɔɛ! Izràɛl be dùkɔ̃a ne sò àyo!
Currently Selected:
Èhàwo 53: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
