Èhàwo 52
52
Àmè kè dojì ɖo yebe àdɔ̀kùnu ŋutia
1Hàsìnɔ̀ gã be Èhà. Ɖo David be ègbè do àsi ji. 2Wàlɛbɛ kè Doɛg, Edɔ̀mvi ŋusùa va gblɔ̃ na Saolò be: “David va ɖo Ahimèlɛk be àxomè”.
3Àmè nyrãku, nukɛ ŋuti wò le kã àdã ɖo àpo èvuɛ̃wɔ̀wɔ ŋuti ɖo?
Mawu be ànùkuawɔ̀wɔ a lè tɛ̀gbɛ̀!
4Àpo àɖea, èhlɔ̃dãdã ŋuti kpò be le bù,
sìgbè èwui ɖaɖa nène, eye wò sɔ̀gbè la flù àmè
5Wò lɔ̃nà èvuɛ̃wɔ̀wɔ wu ènyuɛ̃wɔ̀wɔ,
eye, àjèɖàɖa jɔ̀nàjì na wò wu nyàwototo. Ènu bɔ̀ kpoo
6Èwò àjèɖàtɔ! Ènugbegble be ènyàwo sɔ̃ŋu kpò wò lɔ̃nà.
7Ekèa ŋutia, Mawu cã la xla wò ɖo ànyi gbidi!
E la le wò, la dɔ̃ wò to so àpo nɔ̀pe.
E la hɔ̃ wò jo lè àgbè-àgbèawo dòmè! Ènu bɔ̀ kpoo
8Ènu la ku na àmè jɔ̀jɔɛ kèwo la kpɔ ɛ̀a.
Wo la kò è, eye wo la gblɔ̃ be:
9“Kpɔɖa, ŋusù kè le wɔ̀ kãlì,
eye mu sɔ Mawu wɔ̀ yebe àgbògbò òa,
ye nyi ekèa! Ekè be kã ɖo yebe àdɔ̀kùnu gbogbowo jia,
e sɔ èkunyànyrã gla ye ɖokoe bòhũ!”
10Gãke, ènyè yàa, mù lè sìgbè àmìti
kè le jè, lè Mawu be àxomèa nène.
Mù dojì ɖo Mawu be lɔ̃lɔ̃ màgblea ŋuti,
so mà-vɔ, sɔ yì mà-vɔ mè!
11Mawu gã! Mù la nɔ kafu wò tɛ̀gbɛ̀,
ɖo ènu kèwo keŋu wò wɔ̀a ŋuti!
Nyikɔ wò ŋuti ye mù la ɖoŋù ɖo.
Ɖoa, e nyɔ! Ekèa ŋuti mù la ɖè è gblɔ̃,
lè àmè kɔ̀kɔ̀ɛ wòwo be ŋùmè be: Wò nyɔ!
Currently Selected:
Èhàwo 52: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
