Èhàwo 4
4
Àgbè lè àgbɔ̃jèpò mè
1David be Èhà. Wo sɔ ɛ̀ lè hàjiha be èga be xoma mè. Wo jìnà ɛ̀ kudo èkàsãguwo.
2Xɔ̀ ègbè na mù ne mù fã yɔ wòa.
Aò Mawu kè sònà jɔ̀jɔɛ na mùa!
Kè wo zĩ mù ɖo ànyi a, wò le mù sitè.
Ku ŋuzĩzĩ na mù ne wòa ɖo èto àpe kuefã.
3Mìa àgbètɔwo, kaka na gà kɛ mè ye mì la sitè ɖo gogo nyèa ŋuti,
kaka na gà kɛ mè ye mì la kpɔ̀tɔ̀ nɔ kpɔ jìjɔɛ ɖo ènu màɖì ènu ŋuti
eye àjèɖàɖa la nyi mìabe èdɔ do àsi ò?
4Mì nya ɛ̀ be Tɔhonɔ̀ kɔna yebe èxlɔ̃ wɔ̀ ànùkuawo ɖo ji.
Ne mù do àpa yɔ ɛ̀a, Tɔhonɔ̀ ɖona èto mù.
5Ne mì bijìa, mì mu gbà wɔ̀ èvuɛ̃ ò.
Mì dèŋùgblè lè mìabe dɔ̃bawo ji eye mìa bɔ̀nu kpoo.
6Mì wɔ̀ vɔsa kèwo jèa.
Eye mì kã ɖo Tɔhonɔ̀ ji.
7Àmè sùgbɔ gblɔ̃nà be: “Àmè kɛ ye la sɔ nyɔna fiɔ mi?
Aò Tɔhonɔ̀, na ne àpo ŋùmè be kɛ̃klɛ̃ ne kɔ̀ ɖo mia ji!”
8Jìjɔɛ kè wo sɔ do àpe èjì mèa wu gã
ekè ènukuyàtɔwo kpɔna lè ènukuyàya hùenua.
9Ŋuti fàfa mè ye mù mlɔ̃na ànyi, dɔ̃na àlɔ̃ lè.
Ɖo èwò Tɔhonɔ̀ ŋutɔ ye na mù lè àgbè lè àgbɔ̃jèpò mè.
Currently Selected:
Èhàwo 4: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
