Èhàwo 47
47
Mì sɔ jìjɔɛ pò àsikpe na Tɔhonɔ̀, Èfìɔ Gãa
1Hàsìnɔ̀ gã be Èhà kè Koreà be èviwo kpàa. Kafu-hà
2Mìa, dùkɔ̃wo keŋu, mì pò àsikpe!
Mì do jìjɔɛ be àpa, sɔ mlã Mawu!
3Ɖoa Tɔhonɔ̀, Èjihũitɔa, jiŋɔ!
E ye nyi Èfìɔ Gã lè ànyigbã keŋu ji!
4E ɖiɖi dùkɔ̃wo ɖo mia gɔ̃mè.
Eye be na mi ŋusɛ̃ ɖo woa ji.
5E cã ècrɔ̃nu ɖɛ na mi,
ècrɔ̃nu kè nyi Yakɔb kè be lɔ̃a be èglowɔ̀nu. Ènu bɔ̀ kpoo
6Mawu yìji lè àyosòsowo dòmè.
Tɔhonɔ̀ ye yìji, wàlɛbɛ kè wo le ku èkpɛ̃a.
7Mì jì kafu-hàwo na Mawu! Mì jì kafu-hàwo!
Mì jì kafu-hàwo na miabe Èfìɔ! Mì jì kafu-hàwo!
8Ɖoa, ànyigbã kpata be èfìɔ ye nyi Mawu.
Mì jì èhà, ne dùkɔ̃wo ne nya ɛ̀!
9Mawu ɖùfìɔ ɖo dùkɔ̃wo ji,
Mawu nɔ̀ ànyi ɖo yebe èfìɔzìkpe kɔ̀kɔ̀ɛa ji.
10Dùkɔ̃wo be ègawo bɔ̀. Wo nyi Abràham be Mawu be dùkɔ̃.
Ɖo, Mawu tɔ̀ ye nyi ànyigbã ji be àkpoxɔ̀nuwo.
E ɖo ŋusɛ̃ ɖo ènuwo keŋu ji.
Currently Selected:
Èhàwo 47: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
