Èhàwo 48
48
Ziɔ̀n, Èfìɔ Gãa be èdù
1Koreà be èviwo be kafu-hà.
2E lòlò! Tɔhonɔ̀ lòlò, eye be jè na kafu,
lè miabe Mawu be èdùa mè, lè yebe èto kɔ̀kɔ̀ɛa ji.
3Ziɔ̀n-to a yìji ku gogo, e nya kpɔkpɔ,
eye be nyi ànyigbã keŋu be jìjɔɛ.
Àvego ɖaa, lè Ziɔ̀n be ètoa ji ye Èfìɔ gã be nɔ̀pea lè.
4Mawu lè Ziɔ̀n be èfìɔsawo mè.
E ɖè ye ɖokoe fiɔ be yè nyi woabe àgbògbò.
5Kpɔɖa, wàlɛbɛ kè èfìɔwo ɖo ègbè du,
eye wo bɔ̀, zɔ̃ ɖodua;
6ekè wo kpɔ ɛ̀ zè ɖèkaa,
àdìka sò wo, eye wo si.
7Wo tɔ pòpo tìtìtì, ci tèpe ɖèka;
lè xànu sìgbè nyɔ̃nù kè le le èkua nène.
8Tɔhonɔ̀, wò crɔ̃ wo, sìgbè àlekè èwèzɛ̃pe be àya
gbãnà àpùjihũ kèwo ye le yì Tarsòawo nène.
9Ènu kè mi sèa, ye mi kpɔ lè Tɔhonɔ̀,
àhùakɔ̃wo be Mawu be èdùa mè.
Mi kpɔ ɛ̀ lè miabe Mawu be èdùa mè.
Mawu likè èdùa, kaka sɔ yì. Ènu bɔ̀ kpoo
10Aò Mawu, mi le ɖoŋù àpo ànùkua màgblàa,
lè àpo mawuxɔa be dòdòmè.
11Àpo kafu yì kaka ànyigbã be nukpòpewo,
sìgbè àpo nyikɔa ke nène.
Ɖùsi-lɔ wòa, ɖɔ ku jɔ̀jɔɛwɔ̀wɔ sɔ̃ŋu!
12Ziɔ̀n-to jitɔwo, ne sò àyo!
Yudà be èdùwo ne kpɔ jìjɔɛ
ɖo àpo jɔ̀jɔɛsòsoa ŋuti!
13Mì zɔ̃ Ziɔ̀n ŋuti! Mì pòxla do è gòdò kpe do.
Mì hlɛ̃ yebe èmɔ̃jikpɔxɔ̀wo.
14Mì le ŋùku ɖo yebe èglìkpawo ŋuti nyuɛ̃ ɖe,
mì kpɔ yebe àgbògbòawo,
ne mìa sɔ tùxo na jìjimè kèwo lè ŋùgbeawo.
15Ɖoa, Mawu kèa ye nyi miabe Mawu kaka sɔ yì.
Eye be la kplɔ̀ mi kaka sɔ yì èku mè.
Currently Selected:
Èhàwo 48: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
